د طالبانو ټولګتو وزیر او د ترکمنستان سفیر د اوسپنې پټلۍ د انتقالاتو پر زیاتوالي غږېدلي

له خوست څخه محلي سرچینو افغانستان انټرنشنل ته ویلي، چې په دغه ولایت کې د طالبانو د ځانګړې قطعې قوماندان جان محمد همت، مشهور په «جرکي»، د پکتیا د وزې ځدراڼ ولسوالۍ د سروټي سیمې په علي احمدخېل کلي کې د شاوخوا ۱۲۰ میلیونه افغانۍ په ارزښت ځان ته مجلل کور جوړ کړی دی.

د سرچینو په وینا، «ددغه کور لګښت د طالبانو د کورنیو چارو وزیر سراج الدین حقاني ور کړی دی».

جان محمد همت د بادشاه خان ځدراڼ په قبیلې پورې تړاو لري، چې په خوست او پکتیا ولایتونو کې د جلال الدین حقاني د کورنۍ سیاله کورنۍ ګڼل کیږي.

جان محمد همت د حقاني شبکې غړی دی او دمګرۍ په خوست ولایت کې د ځانګړې قطعې د قوماندان په توګه دنده ترسره کوي.

یوې محلي سرچینې افغانستان انټرنشنل ته وویل، چې « سراج الدین حقاني غواړي په ځدراڼو قبیله کې د پاچاخان ځدراڼ بدیل پیدا کړي او په همدې هدف پر جان محمد همت پانګونه کوي».

سراج الدین حقاني ته نږدې کسانو او د طالبانو د خوست د ځانګړو ځواکونو قوماندان تراوسه په دې اړه څه نه دي ویلي.

100%

سراج الدین حقاني له دې وړاندې هم په خوست او پکتیا ولایتونو کې په شخصي لګښت د سړکونو جوړولو او ترافیکي نښو لګولو پروژې پلې کړې دي.

تازه نوموړي د ننګرهار د بهسودو ولسوالۍ په ګردي کڅ سیمه کې د یوه تن د ړنګ شوي کور لګښتونه هم پرغاړه اخېستي دي.

دغه کور د هغه ځایي اوسېدونکي د کورنۍ لپاره جوړېږي چې شاوخوا شپږ میاشتې وړاندې یې په یوه هوايي برید کې د کورنۍ۱۷ غړي وژل شوي او پنځه نور ټپیان شوي وو.

د ۱۴۰۲ کال په لیندي میاشت کې طالبانو په خوست کې د پاچا خان ځدراڼ هغه کلا ونړوله چې ځمکه یې د پخواني ولسمشر حامد کرزي د فرمان پر بنسټ ورکړل شوې وه.

پاچا خان ځدراڼ د خوست - ګردیز پر لویه لاره له دې ځمکې د کور په توګه ګټه اخیسته، خو طالبانو په بولدوزرو ړنګ کړ.

د باچاخان ځدراڼ کورنۍ هغه وخت وویل، چې د دې جایداد ټول قانوني اسناد لري او د تېر جمهوریت پرمهال یې دا ځمکه د پيسو په بدل کې د فرمان له مخې اخیستې وه.

د معلوماتو له مخې پاچا خان ځدراڼ په دغه ځمکه کې پر باغ او مرغدارۍ سربېره په کلا باندې یو میلیون ډالره مصرف کړی و.

باچاخان ځدراڼ له ډېرو کلونو راهیسې په خوست او پکتیا ولایتونو کې د حقاني شبکې سیال ګڼل کېده.

د طالبانو د هرات ولایت مقام د خبرپاڼې له مخې، په دې لیدنه کې په هرات ولایت کې د ملګرو ملتونو د ادارو د خدمتونو، فعالیتونو او روانو پروګرامونو په اړه نوموړي وویل چې ملګري ملتونه هڅه کوي خپل پروګرامونه د طالبانو له مسوولانو سره په همغږۍ او همکارۍ پلي کړي.

د خبرپاڼې له مخې، د هرات والي اسلام جار د ملګرو ملتونو پلاوي ته ښه راغلاست ووایه او د تېرو پنځو کلونو لاسته راوړنو ته په اشارې یې وویل چې طالبان د نشه یي توکو پر ضد مبارزې، د معتادینو راټولولو، د فساد پر ضد مبارزې او د بېوزلۍ د کمولو هڅو ته په پوره توان دوام ورکوي.

هغه زیاته کړې چې دا ستونزې د هېواد د څلوېښت کلنې جګړې پاتې شونې دي او طالبان یې دده په وینا، د حل لپاره جدي هڅې کوي.

مارګریتا له دې لیدنې وروسته ویلي چې د هند او افغانستان د دوه اړخیزو اړیکو په اړه مثبتې خبرې شوې دي.

نوموړي په «ایکس» کې لیکلي چې د خبرو اصلي موضوع د افغانانو د هوساینېاو د افغانستان د پرمختګ لپاره روانې همکارۍ وې.

هغه لیکلي، « نن په نوي ډیلي کې د افغانستان د کرنې، اوبو لګولو او مالدارۍ له وزیرمولوي عطاءالله عمري سره په لیدو خوښ شوم.په دې لیدنه کې د هند او افغانستان د دوه اړخیزو اړیکو په اړه خبرې وشوې، چې د افغانانو د هوساینې او پرمختګ لپاره پکې روانه همکاري هم شامله وه».

عطاءالله عمري د سې شنبې په ورځ د یوه پلاوي په مشرۍ نوي ډیلي ته لاړ.

دا د هند او پاکستان د اړیکو له ترینګلتیا وروسته د طالبانو څلورم وزیر دی، چې نوي ډیلي ته سفر کوي.

طالبانو له پاکستان سره له د اړیکو له خرابېدو وروسته د هند په ګډون د سیمې له نورو هېوادونو سره راشه درشه ډېره کړې ده.

نوموړي د افغانستان د ښځو کرېکټ ملي لوبډلې څخه د ملاتړ په موخه او کرېکټ د نړۍوالې شورا د کلنۍ عمومي غونډې د پیلېدو پرمهال د چارشنبې په ورځ، د چنګاښ ۱۸مه پر اېکس لیکلي، چې د کړېکټ نړۍواله شورا دې د افغان ښځو د کرېکټ ملي لوبډله په رسمیت وپیژني.

بېنېټ زیاته کړې، چې د روان کال په اګسټ میاشت کې د افغان ښځو د کرېکټ ملي لوبډلې مالي مرستې پای ته رسیږي او د کرېکټ نړۍواله شورا باید د یادې لوبډلې ملاتړ دوامداره وساتي.

نوموړي د فوټبال نړۍوال فدراسیون ته په اشارې ویلي، لکه څنګه چې فیفا د افغانستان د ښځو فوټبال لوبډلې د ستونزې د حل او ملاتړ لپاره لاره پیدا کړه، د کرېکټ نړۍواله شورا هم ورته اقدام کولای شي.

نوموړي په ټینګار سره ویلي، چې د افغان ښځینه کرېکټ ملي لوبډلې د ملاتړ یوازینۍ لاره د یادې لوبډلې په رسمیت پېژندل دي.

د طالبانو د یادې ادارې د خبرپاڼې له مخې، په دې لیدنه کې برادر له افغان کډوالو سره د بشري مرستو له امله له ملګرو ملتونو او نړیوالو بنسټونو ستاینه کړې او ویلي یې دي چې نړیوال بنسټونه دې خپلې مرستې تر ډېره پراختیایي برخو ته ځانګړې کړي.

هغه زیاته کړه چې دا مرستې به راستنېدونکو کډوالو او کورنیو بې‌ځایه شوو کسانو ته د سرپناه، ښوونځیو، برېښنا، د څښاک پاکو اوبو، کاري فرصتونو او نورو بنسټیزو خدمتونو د برابرولو زمینه برابره کړي.

د خبرپاڼې له مخې، بهرام صالح په پراختیایي برخو کې د طالبانو دادارې د هڅو ستاینه کړې او ډاډ یې ورکړی چې افغانستان ته د نړیوالې ټولنې د لا ډېرو مرستو د جلب لپاره به اړینې هڅې وکړي، څو د خلکو د ژوند د شرایطو د ښه کېدو زمینه برابره شي.