ایران د اردن پر ازرق پوځي اډې لس بالستیک توغندي وتوغول
د ایران اسلامي جمهوریت پاسداران ځواک په یوه اعلامیه کې ویلي ، چې د پنجشنبې په ورځ یې د اردن د ازرق پوځي اډې پر لور لس بالستیک توغندي وتوغول. اردن ویلي، چې له ایران څخه توغول شوي اته توغندي یې شنډ کړي دي.
د اردن دولتي خبري اژانس په وینا، په دې پېښه کې هېڅ مرګژوبله یا زیان نه دی اوښتی.
سپاه پاسداران ویلي، چې که د امریکا «تېری» بیا تکرار شي، نو په سیمه کې به د امریکا پوځي اډې په نښه کړي.
