ایران وايي چې په خلیج کې یې د امریکا پوځي هدفونه ویشتي
ایران ویلي چې د امریکا له بریدونو وروسته یې د خلیج په سیمه کې د امریکا پر پوځي هدفونو بریدونه کړي دي.
د راپورونو له مخې، دې بریدونو هغه درې اونۍ مخکې رامنځته شوی اوربند نور هم له ګواښ سره مخ کړی دی.
په همدې حال کې، د امریکا پوځ ویلي چې وروستي بریدونه یې د هرمز تنګي د پرانیستي ساتلو لپاره کړي، ځکه د دوی په وینا، ایراني ځواکونو په سیمه کې درې د تېلو ټانکرونه په نښه کړي وو.
بلخوا، د امریکا ولسمشر ډونالډ ټرمپ ویلي، د ده په باور له ایران سره لنډمهالی اوربند نور عملاً پای ته رسېدلی دی.
په ورته وخت کې، ایران د خپل وژل شوي ستر مشر علي خامنهیي د جنازې او خاورو ته سپارلو وروستیو مراسمو ته هم چمتووالی نیسي. ټاکل شوې هغه د مشهد ښار د امام رضا زیارت ترڅنګ خاورو ته وسپارل شي.
د فارس خبري اژانس د راپور له مخې، د ایران هوايي ځواک د مراسمو د امنیت لپاره د «ميګ-۲۹» جنګي الوتکو ګزمې پیل کړې دي.
