د افغان کډوالو د تکواندو لوبډله د مالیزیا په نړیوالو سیالیو کې ګډون کوي
په مالیزیا کې د مېشتو افغان کډوالو د تکواندو لوبډله له ۱۵ ورزشکارانو سره د مالیزیا د تکواندو په ۱۸م پړاو نړیوالو سیالیو کې ګډون کوي. افغان ورزشکاران به په څلورو کټګوریو کې د خپلو سیالانو پر وړاندې سیالي وکړي.
د شته معلوماتو پر بنسټ، دا سیالۍ د ۱۲ څخه د زیاتو هېوادونو د تکواندوکارانو ترمنځ د جولای په ۱۱مه او ۱۲مه نېټه په کوالالامپور ښار کې ترسره کېږي.
د افغان کډوالو لوبډله د فهیمالله برهکي په مشرۍ په دغو سیالیو کې ګډون کړی دی.
په دغو سیالیو کې د ګډون موخه د ورزشکارانو لپاره د نړیوالې تجربې د ترلاسه کولو د فرصت برابرول، د هغوی د تخنیکي کچې لوړول او په مالیزیا کې د مېشتو افغان تکواندوکارانو په منځ کې د غوره استعدادونو پېژندل ښودل شوي دي.
