افغان رزمي لوبغاړي فرید بشارت خپل امریکایي سیال ته ماتې ورکړه

دغه سیالي د امریکا د لاس‌وېګاس په ښار کې د UFC Fight Night 329 سیالیو په ترڅ کې ترسره شوه، چې پکې افغان او امریکایي لوبغاړي یو د بل پر وړاندې ودرېدل. په پایله کې فرید بشارت تر خپل امریکایي سیال جان ګارزا غوره لوبه وړاندې کړه او د قاضیانو په متفقې پرېکړې ګټونکی اعلان شو.

بشارت دا بریا په داسې حال کې ترلاسه کړه چې تر دې وړاندې یې هم د مسلکي سیالیو په ډګر کې ۱۵ پرله‌پسې بریاوې ثبت کړې وې. له دې بریا سره نوموړي خپل د نه ماتې ریکارډ وساته او د مسلکي مبارزو شمېر یې ۱۶ پرله‌پسې بریاوو ته ورساوه.

۲۸ کلن فرید بشارت، چې د افغانستان له مخکښو UFC مبارزینو څخه ګڼل کېږي.

بلخوا د بشارت په دې بریا سره یې سیال جان ګارزا په خپل مسلکي ژوند کې دویمه ماتې تجربه کړه.

د معلوماتو له مخې دا لوبه د UFC له سازمان سره د د بشارت د اوسني قرارداد وروستۍ مبارزه وه. تر اوسه څرګنده نه ده چې سازمان به له نوموړي سره نوی قرارداد تمدید کړي که نه.