د ټایلند په یوه شپني کلپ کې د اورلګېدنې له امله ۲۷ کسان مړه او ۲۲ نور ټپیان شوي
د ټایلند د پلازمېنې بانکوک په یوه مشهور شپني کلپ کې د اورلګېدنې له امله ۲۷ کسان مړه او ۲۲ نور سخت ټپيان شوي دي. د دغه هېواد د چارواکو په وینا، دغه پېښه د یکشنبې په نیمه شپه رامنځته شوې ده.
د رویټرز خبري اژانس د راپور لهمخې، د دغه هېواد د لومړي انوتین چارنویرکول د دوشنبې په ورځ د پېښې له ځای څخه د لیدنې پر مهال ویلي:«موږ ۲۷ جسدونه ترلاسه کړي او نور روغتون ته لېږدول شوي دي. دا اورلګېدنه د یکشنبې په شپه پر ۱۱:۵۷ بجو رامنځته شوې وه».
د بانکوک د ښاري ادارې د افتونو د مخنیوي او کمولو د څانګې رییس سوریاچای راویوان بیا د ټپیانو شمېر ۶۳ تنه ښودلی او زیاته کړې یې ده، چې په ټپیانو کې د ۲۲ کسانو روغتیايي حالت ډېر نازک دی.
