د طالبانو د المپیک، بدني روزنې او سپورټ اداره وايي، د هلمند په مرکز لښکر ګاه کې د ۹۵ ورزشکارانو تر منځ د بدن ښکلا او فټنس سیالۍ ترسره شوې. د ځايي طالب مسوولینو په وینا، د دغو سیالیو په پای کې ۱۰ کسان د هلمند د بدن ښکلا او فټنس ټاکنیزې لوبډلې ته غوره شول.
د طالبانو د المپیک، بدني روزنې او سپورټ ریاست د یکشنبې په ورځ (د چنګاښ ۲۱مه) د یوې خبرپاڼې په خپرولو سره ویلي، په دغو سیالیو کې د یادې ادارې لپاره د طالبانو رييس احمدالله وثیق او مرستیال یې هم ګډون درلود.
د خبرپاڼې لهمخې، د دغو سیالیو په پایله کي امینالله د «مسټر هلمند» او احسان الله د «جونینر هلمند» لقبونه وګټل او په ټوله کي لس تنه د هلمند د بدن ښکلا او فټنس ټاکنیزې لوبډلې ته وټاکل شول.
