د طالب پلاوي د بروکسل له سفر وروسته د اروپايي ټولنې د کډوالۍ کمېشنر پارلمان ته وربلل شوی

د دغه روغتون د بنسټ ډبرې اېښودلو په مراسمو کې د یاد وزارت د روغتیایي خدمتونو وړاندې کولو مرستیال عبدالولي حقاني وویل چې دا وزارت هڅه کوي هغو لرې پرتو سیمو ته روغتیایي خدمات ورسوي چې خلک یې مناسبو صحي خدماتو ته لاسرسی نه لري.

هغه زیاته کړه چې د طالبانو د مشر د ځانګړي حکم له مخې د هېواد په ټولو ولسوالیو کې د «جي‌اېچ» روغتونونه جوړېږي ترڅو ناروغان په خپلو ولسوالیو کې روغتیایي خدماتو ته لاسرسی ومومي او د درملنې لپاره مرکزونو ته له تګ څخه بې‌نیازه شي.

د چارواکو په وینا، د تڼیو ولسوالۍ دغه ۵۰ بستریز روغتون په پنځه جریبه ځمکه کې د ټولو اړینو اسانتیاوو او معیاري تجهیزاتو په درلودلو سره جوړېږي چې رغنیزې چارې به یې په ۱۸ میاشتو کې بشپړې شي. دغه راز عبدالولي حقاني څرګنده کړه چې د خوست په ملکي او تخصصي روغتون کې د عصبي جراحۍ او ارتوپېډۍ د خدمتونو د نشتوالي ستونزې د حل لپاره نوی تشکیل منظور شوی او په نږدې راتلونکي کې به ورته متخصصین وګومارل شي.

حقاني همدارنګه وویل چې د روغتیایي خدمتونو د پراختیا په موخه د خوست مرکز اړوند ملاریا باغ کې د ښځو او ماشومانو لپاره یو ځانګړی ۱۰۰ بستریز روغتون هم په پلان کې نیول شوی دی.

بل لور ته، په خوست کې د طالبانو د والي مرستیال محبوب شاه قانت د دغه روغتون جوړېدل یو مهم پرمختګ وباله او له قراردادي شرکت څخه یې وغوښتل چې د کارونو کیفیت، معیار او د پروژې پر وخت بشپړېدو ته ځانګړې پاملرنه وکړي.

دغه هڅې داسې مهال دي چې د روغتیا نړیوال سازمان په وینا، د افغانستان روغتیایي سکټور د ګړنګ پر غاړه ولاړ دی او د نړیوالو مرستو د کمښت له امله په ټول هېواد کې سلګونه روغتیایي مرکزونه تړل شوې دي.

د امریکا پخوانی ولسمشر جو بایډن چې دمګړۍ د پروستات سرطان له یوې خطرناکې او پرمختللې بڼې سره مبارزه کوي وايي، چې د ده نوی کتاب «امریکا، له ما سره ژمنه وکړه» به د هغو «ننګونو په اړه وي چې موږ د یوه ملت په توګه ورسره مخ وو، د هغو پرېکړو په اړه چې ما وکړې، او دا چې ما ولې دا پرېکړې وکړې».

هغه وویل، دا کتاب به د هغه د ولسمشرۍ د دورې مهمو پېښو ته ځانګړی شوی؛ هغه دوره چې د غزې او اوکراین جګړه او همداراز له افغانستان څخه د امریکا وتل په‌کې شامل وو.

د ۲۰۲۵ کال په مې میاشت کې، له واک څخه د تر ټولو د زاړه ولسمشر په توګه له وتلو یوازې څلور میاشتې وروسته، بایډن څرګنده کړه، چې پر هغه د پروستات داسې یو خطرناک سرطان تشخیص شوی چې د هغه هډوکو ته هم خپور شوی دی. هغه له دې وروسته د راډیوټراپي (شعاعي درملنې) بهیر پیل کړ.

۸۳ کلن بایډن د چهارشنبې په ورځ (د چنګاښ ۲۴مه) په خپله اېکس‌پاڼه د خپل کتاب په تړاو په یوه تبلیغاتي ویډيويي پیغام کې ویلي: «له هغه وخته چې ما ولسمشري پرېښې، ډېرو خلکو له ما څخه پوښتنه کړې، جو، څه کوې»؟

هغه له خپلو مینه‌والو او هغو کسانو څخه مننه کړې، چې د ده د ښې روغتیا هیله یې کړې او زیاته یې کړه: «ما خپل ډېر وخت له خپلې کورنۍ سره تېر کړی دی. زه د سرطان له تشخیص سره لاس او ګرېوان یم او درملنه مې روانه ده، چې ډېره ښه پر مخ روانه ده».

جوبایډن په دې ویډيويي پیغام کې څرګنده کړې، د خپلې ولسمشرۍ (۲۰۲۱ تر ۲۰۲۵) پر مهال، د ۲۰۲۱ کال د جنورۍ په شپږمه د ډونالډ ټرمپ د پلویانو له‌خوا د امریکا پر کانګرس د برید، د اوکراین جګړه او له افغانستان څخه د امریکايي ځواکونو د وتلو په تړاو څو مهمې شېبې یادې کړي دي.

بایډن زیاته کړه، چې په دې کتاب کې به دا هم راشي چې «ما ولې پرېکړه وکړه چې بیا ځلي ځان نوماند کړم او ولې مې پرېکړه وکړه چې له نوماندۍ تېر شم».

د کتاب په اړه د هغه په دې تبلیغاتي ویډیو کې د محاصره شویو فلسطینیانو او په‌کې د امریکا د رول په اړه هېڅ یادونه نه ده شوې.

د امریکا د تر ټولو زاړه ولسمشر په توګه د هغه د روغتیا په اړه له پرله پسې پوښتنو سره سره، ۸۱ کلن بایډن پرېکړه وکړه، چې په ۲۰۲۴ کال کې د دویمې دورې لپاره ځان کاندید کړي.

خو د ۲۰۲۴ کال په جون کې د ټرمپ پر وړاندې په یوه ناکامه او کمزورې ټاکنیزه مناظره کې تر راڅرګندېدو او د ډیموکراتانو د بې‌ساري فشارونو له امله، بایډن له ټاکنیزې سیالۍ څخه د وتلو اعلان وکړ.

ورپسې ټرمپ د بایډن پر ځای د معرفي شوې کاندیدېد هغه د وخت مرستیالې ولسمشرې کاملا هرېس ته ماتې ورکړه. ټرمپ، چې د جون په میاشت کې ۸۰ کلن شو، تر هغه وخته چې په ۲۰۲۹ کال کې خپله کاري دوره پای ته رسوي، د بایډن د عمر ریکارډ به مات کړي.

د بایډن د خاطراتو دا کتاب د روان زیږیز کال د نومبر په ۱۷مه خپرېږي، چې د منځمهاله حساسو ټاکنو څخه یوازې څو اونۍ وروسته وخت دی.

کاملا هرېس هم تېر کال خپل د خاطراتو کتاب خپور کړی وو. دغه کتاب چې «۱۰۷ ورځې» نومېږي، د هغې د هغو لنډو ټاکنیزو هڅو او کمپاین په اړه دی چې د بایډن له وتلو وروسته یې د ټرمپ پر وړاندې ترسره کړې وې.

100%

د تېرې فبرورۍ په میاشت کې، د امریکا جګپوړو ډیموکراټ چارواکو چې په ۲۰۲۴ کال کې د ولسمشرۍ په ټاکنو کې د ګوند د ماتې ارزونه کوله، دې پایلې ته ورسېدل چې د غزې په اړه د بایډن د ادارې دریځ د پخوانۍ مرستیالې ولسمشرې کاملا هرېس لپاره یو «بشپړ منفي» او زیانمنونکی فکتور وو.

دغه بنسټ د چهارشنبې په ورځ، د چنګاښ په ۲۴مه، په اېکس کې په خپره کړې خبرپاڼه کې ویلي چې ټولو خلکو ته د مناسب استوګنځي برابرول د بېوزلۍ او محرومیت د پای ته رسولو پر لور یو مهم ګام دی.

د ملګرو ملتونو د بشري استوګنې پروګرام په وینا، مناسب کور یوازې د اوسېدو ځای نه دی، بلکې د انساني کرامت د خوندیتوب، د برابرو فرصتونو د رامنځته کولو او د کړکېچونو پر وړاندې د وګړو او ټولنو د مقاومت د پیاوړتیا لپاره یو بنسټیز عنصر ګڼل کېږي.

دغه بنسټ زیاتوي چې په افغانستان کې د مناسبو استوګنځایونو کمښت لا هم یوه جدي ستونزه ده او ګڼې کورنۍ، په ځانګړې توګه هغه چې د سېلابونو، زلزلو او نورو طبیعي پېښو له امله زیانمنې شوې دي، لا هم له مناسبې سرپناه بې‌برخې دي.

د ملګرو ملتونو په باور، د خوندي او مناسب استوګنځي برابرول نه یوازې د خلکو د ژوند شرایط ښه کوي، بلکې د ټولنیز ثبات، اقتصادي ځان‌بسیاینې او د بېوزلۍ د کمولو په برخه کې هم مهم رول لري.

د روساتوم مشر الکسي لیخاچیف وویل چې دغه برید د چهارشنبې په ورځ د یاد اټومي سټېشن د ساحې او د انرخودار ښار ترمنځ پر یو خدماتي موټر شوی دی.

روسي ځواکونو د ۲۰۲۲ کال په لومړیو اونیو کې پر اوکراین د برید پر مهال د زاپوریژیا اټومي برېښناکوټ چې په اروپا کې تر ټولو لوی دی، تر خپل کنټرول لاندې راوست. د روساتوم مشر الکسي لیخاچیف پر لوېدیځو هېوادونو نیوکه وکړه چې د دغه سټېشن پر وړاندې د بریدونو په اړه غلي پاتې دي او په وینا یې، دا چاره د اوکراین د حکومت لخوا د ترهګریزو بریدونو د زیاتوالي لامل کېږي.

هغه زیاته کړه چې په تېرو دوه نیمو میاشتو کې په دې سیمه کې په بریدونو کې ۱۳ کسان وژل شوي او ۴۸ نور ټپیان شوي دي.

د اټومي انرژۍ د نړیوال اژانس مشر رافایل ګروسي دا برید په کلکه وغانده او دا یې پر اټومي سټېشن او د هغې پر مدیریت یو د نه منلو وړ برید وباله چې د اټومي خوندیتوب لپاره جدي ګواښ دی. په ورته وخت کې د روسیې د بهرنیو چارو وزارت ویاندې ماریا زاخارووا پر ټیلیګرام ولیکل چې دا د کییف د رژیم یو جنایت دی او له نړیوالو بنسټونو په ځانګړې توګه د اټومي انرژۍ له نړیوال اژانس څخه یې وغوښتل چې دغه وژنه په ښکاره توګه وغندي.

د کرملین ماڼۍ تېره جمعه هم پر اوکراین تور پورې کړی و چې د اټومي برېښناکوټ پر وړاندې یې ترهګریز بریدونه زیات کړي دي. د کرملین ویاند دیمیتري پسکوف اوکراین تورن کړ چې پر ملکي تاسیساتو او هغو زېربناوو بریدونه کوي چې مستقیم له اټومي سټېشن سره تړاو لري. اوکراین تر اوسه د دغه نوي برید په اړه کومه تبصره نه ده کړې.

سږکال د څلورم پرلپسې کال لپاره طالبانو له نجونو زده‌کوونکو پرته د کانکور ازموینه واخیسته. طالبانو اوس‌مهال نږدې د زده‌کړو له ټولو بهیرونو نجونې منع کړي او یوازې تر شپږم ټولګي پورې نجونې ښوونځیو ته د تګ اجازه لري.

د افغان ښځو د سیاسي مشارکت شبکې غړې انتیلا براتي وايي، سږنۍ کانکور ازموینه واخیستل شوه، خو په وینا یې، دا کانکور د ټولو لپاره نه‌وو، ځکه له څو کلونو راهیسې په ازموینو کې د هغو نجونو زده‌کوونکو چې په زرګونو هیلو سره یې درسونه ویل، ځای خالي وو.

انتیلا براتي زیاته کړه: «هېڅ ملت د نجونو د غږونو په چُپ کولو سره پرمختګ نه‌شي کولی. راتلونکې هغه مهال جوړېږي، چې کتاب د ټولو په لاسونو کې وي، نه د ګوتو په شمار د خلکو په لاسونو کې. داسې ورځ به راشي چې د زده‌کړو دروازې د ټولو پر مخ پرانېستل شي». او زیاته یې کړه: «په هغه ورځ به کانکور یوازې یوه ازموینه نه‌وي، بلکې د عدالت او برابرۍ جشن وي».

له دې سره سم، د طالبانو پوهنې وزارت د ۱۴۰۵ کال عمومي کانکور او دیني مدارسو ازموینو د لسو مخکښو بریالیو زده‌کوونکو د ستاینې لپاره د چهارشنبې په ورځ (د چنګاښ ۲۴مه) ځانګړي مراسم جوړ کړي وو.

په دې مراسمو کې د طالبانو د ښوونې او رزونې مرستیال عبدالمالک حقاني مخکښو زده‌کوونکو ته له مبارکۍ ویلو سربېره وویل: «د دیني علومو ترڅنګ عصري علوم ځانګړی اهمیت لري او د اسلامي تمدن د لا غوړېدو او پرمختګ لامل ګرځي».

هغه د نجونو د زده‌کړو د دوام په تړاو له یادونې پرته زیاته کړه: «ټولنه او مُلک ښوونیزې ټکنالوژۍ او مسلکي کادرونو ته جدي اړتیا لري او موږ باید د همدې مخکښو طلابو او زده‌کوونکو له لارې دې موخې ته ورسېږو».

100%

په دې غونډه کې د دغه وزارت د کیفیت تضمین مرستیال عبدالخالق صادق وویل: «تاسو د مُلک د راتلونکي معماران او رهبران یاست؛ نو باید د خپل ولس او ټولنې پر وړاندې د مسوولیت احساس ولرئ او د خپلو زده‌کړو له لارې دا کړېدلی ملک د پرمختګ او ودانۍ پر لور رهبري کړئ».

د طالبانو د ازموینې ادارې په وینا، سږکال په کانکور ازموینه کې ۱۲۰ زره کسانو ګډون کړی وو، چې له دې ډلې به ۷۴ زره او ۵۰۰ د لوړو زده‌کړو موسساتو ته جذب شي. دا په داسې حال کې ده، چې د څلورم پرله‌پسې کال لپاره طالبانو له نجونو پرته د کانکور ازموینه واخیسته.

د ښځو یو شمېر نورو ټولنو او شبکو د ۱۴۰۵ کال د کانکور ازموینې د پایلو له اعلان وروسته ویلي وو، هغه کانکور چې د پرله‌پسې څلورم کال لپاره د نجونو له ګډون پرته ترسره کېږي، د جنسیتي اپارتاید او د افغانستان د ښځو د سیستماتیک حذف رسمي سند دی.