په ۲۰۲۶ کال کې قرغیزستان د لومړي ځل لپاره افغانستان ته هم د جوارو صادرات پیل کړي دي. د معلوماتو له مخې، افغانستان ته ۱۱ سوه زره ټنه جوار صادر شوي، چې ارزښت یې ۱۴،۷میلیونه قرغزي سوم (شاوخوا ۱۷۰ زره ډالره) کیږي.
د قرغیزستان د احصایې ملي کمېټې د معلوماتو له مخې، د ۲۰۲۶ کال د جنورۍ تر مې میاشتې پورې دغه هېواد ټولټال ۱۷،۵زره ټنه جوار بهر ته صادر کړي، چې ارزښت یې ۱،۶ میلیونه ډالر دی. دا اندازه د تېر کال د همدې مودې په پرتله ۲۴سلنه ډېروالی ښيي.
د کمیټې په وینا، په ۲۰۲۵ کال کې د همدې مودې پر مهال قرغیزستان ۱۴،۱زره ټنه جوار صادر کړي وو، چې ارزښت یې ۱۲۰،۲میلیونه قرغزي سوم و.
ازبکستان لا هم د قرغیزي جوارو تر ټولو لوی پېرودونکی دی.
په پنځو میاشتو کې ازبکستان ته ۱۵،۷زره ټنه جوار صادر شوي، چې ارزښت یې ۱۱۵،۷میلیونه سوم ګڼل شوی، خو افغانستان ته قرغیزي جوار د لومړي ځل لپاره صادر شوي دي.
په افغانستان کې ډېری وارداتي جوار د کښتونو لپاره د تخم په توګه کارول کیږي.
