په کابل کې د ۱۲۰ لوبغاړو په ګډون د سوک‌وهنې سیالۍ ترسره شوې

د طالبانو د المپیک، بدني روزنې او سپورټ ادارې د شنبې په ورځ (د زمري ۳مه) د یوې خبرپاڼې په خپرولو سره ویلي، د دغو سیالیو په لومړۍ ورځ دوه لوبې ترسره شوې. په لومړۍ لوبه کې د فراه ابومسلم او د فاریاب خراسان لوبډلو یو ـ یو مساوي پایله خپله کړه.

په دویمه لوبه کې د کندهار اتفاق خان‌زاده لوبډلې د کابل د ځوانان پیروزي لوبډلې ته ۲ د یو پر وړاندې پایلې سره ماتې ورکړه.

د فراه ابومسلم او فاریاب خراسان تر منځ د لوبې له پای ته رسېدو وروسته، د ابومسلم لوبډلې لوبغاړی طالب حسین رحیمي د لوبې د غوره لوبغاړي په توګه وټاکل شو او همدارنګه، د کندهار د اتفاق خان‌زاده لوبډلې لوبغاړي نبي‌الله خوشحال هم د کابل د ځوانان پیروزي پر وړاندې لوبه کې د غوره لوبغاړي جایزه ترلاسه کړه.

د سږني لیګ په سیالیو کې د فراه ابومسلم، د فاریاب خراسان، د کندهار اتفاق خان‌زاده، د کابل ځوانان پیروزي، ارمان اېف‌سي، د کندهار عینو مېنې، د فاریاب سرسبز یاشلر، د هرات طوفان هریرود، د کابل استقلال او د هرات سرخ‌پوشان خوافي لوبډلې برخه لري.

احمدالله وثيق د جمعې په ورځ (د زمري ۲مه) په خپله اېکس‌پاڼه د یاد مصنوعي چمن د مالي لګښت په تړاو له وضاحت ورکړې پرته ویلي، په نږدې راتلونکې به په غزني، لوګر او ځینو نورو ولایتونو کې د فوټبال لوبغالو د مصنوعي چمنونو د رغولو چارې بشپړې او ګټې اخېستنې ته وسپارل شي.

په افغانستان کې د فوټبال لوبغالي په داسې وخت کې د لوبو لپاره چمتو کيږي، چې د فوټبال نړیوال فدراسیون (فیفا) د ۲۰۲۶م نړیوال جام د جولای په ۱۹مه پای ته رسېدلی او فيفا بيا د نړۍ د ۲۱۰ فوټبال ملي لوبډلو نوې درجه بندي خپره کړې ده.

د یادې درجه بندۍ له مخې د اسپانیې ملي لوبډله، چې د ۲۰۲۶م نړیوال جام یې ګټلی، لومړي مقام ته پورته شوې، او په دغه نوملړ کې افغانستان په ۱۷۱م او پاکستان په ۱۹۸م ځای کې قرار لري.

په اعلان شوې لوبډله کې رحمت شاه، رحمان‌الله ګربز، ابراهیم ځدراڼ، صدیق‌الله اتل، حشمت‌الله شهیدي، دروېش رسولي، عظمت‌الله عمرزی، اکرام علي‌خېل، ننګیال خروټی، راشد خان، غضنفر، یمین احمدزی، سلیم ساپی، فضل‌الحق فاروقي او ضیاالرحمن شریفي شامل دي.

قیس احمد، فرید ملک، بلال سمیع او بشیر احمد د احتیاطي لوبغاړو په توګه غوره شوي دي.

دا لوبلړۍ به د اګست په پنځمه په بریډي کې پیل شي او دویمه لوبه به د اګست په اوومه هم په همدې ښار کې وشي. پاتې درې لوبې به د اګست په ۱۰مه، ۱۲مه او ۱۵مه په بلفاسټ کې وشي.

د افغانستان کرېکټ بورډ د چنګاښ په ۳۱مه د حشمت الله شهیدي له استعفا وروسته رحمت شاه د یو ورځنیو او ټېسټ لوبو د لوبډلمشر او رحمن الله ګربز د مرستیال لوبډلمشر په توګه وټاکه.

د یو ورځینو او ټېسټ لوبو پخواني لوبډلمشر حشمت الله شهیدي تېره ورځ له لوبډلمشرۍ څخه خپله استعفا اعلان کړه.

یوه ورځ وروسته کرېکټ بورډ د شهیدي پر ځای رحمت شاه د یو ورځنیو او ټېسټ لوبو د لوبډلمشر او رحمن الله ګربز یې د مرستیال لوبډلمشر په توګه اعلان کړه.

حشمت الله شهیدي د خپلې لوبډلمشرۍ په موده کې په ۵۵ سیالیو کې لوبډلمشرې کړې، چې له دې ډلې یې ۲۷ سیالۍ ګټلي دي.

فیفا دغه درجه بندي د سه شنبې په ورځ خپره کړه. د ۲۰۲۶م نړیوال جام سیالۍ د جولای په ۱۹مه پای ته ورسېدې، چې په پایلوبه کې هسپانیې د ارجنټاین لوبډلې ته ماتې ورکړه او د نړیوال جام اتلولي یې وګټله. له همدې امله هسپانیه په نوې درجه بندۍ کې له دویم ځای څخه لومړي ځای ته لوړه شوې ده.

ارجنټاین، چې د ۲۰۲۲م نړیوال جام اتله او د ۲۰۲۶م نړیوال جام پایلوبې ته رسېدلې لوبډله وه، اوس په دویم مقام کې ده. فرانسه درېیم، انګلستان څلورم او برازیل پنځم ځای لري.

د مراکش ملي لوبډله په شپږم مقام کې ده، پرتګال د دوو ځایونو له ښکته کېدو وروسته اووم مقام ته تللی دی. بلجیم اتم، هالنډ نهم او مکسیکو لسم ځای خپل کړی دی.

د سیمې په کچه، ایران په ۲۲م، هند په ۱۳۸م او افغانستان په ۱۷۱م مقام کې دی. پاکستان د ۲۱۰ هېوادونو په نوملړ کې په ۱۹۸م ځای کې قرار لري، په داسې حال کې چې سان مارینو د دې درجه بندۍ وروستی هېواد دی.