د کونړ یو شمېر اوسېدونکي: له پاکستان نه راکډه شوو خو په خپل هېواد کې سرپناه نه لرو
د کونړ یو شمېر اوسېدونکي چې تازه پاکستان څخه راستانه شوي، افغانستان انټرنشنل ته په رالېږلي پیغام کې ویلي، په خپل هېواد کې د سرپناه نه لري او طالبان دې ژر تر ژره دوی ته ځمکې ووېشي.
یادو کسانو افغانستان انترنشنل ته په رالیږل شویو پیغامونو کې ویلي چې د نورګل ولسوالۍ د راستنېدونکو په غونډه کې د دوی د ستونزو د حل، د ځمکو د وېش او د سرپناه د برابرولو ژمنې شوې وې، خو تر اوسه یې د عملي کېدو په برخه کې کوم څرګند پرمختګ نه دی شوی.
دوی ویلي، ډېری راستنې شوې کورنۍ شخصي کورونه نه لري او د اوسېدو لپاره مناسب ځای نه مومي، له همدې امله د سرپناه نشتون له ستونزو سره مخ دي.
دوی وايي چې په ځینو نورو ولایتونو کې د کډوالو لپاره د ځمکو د وېش بهیر پیل شوی، خو د کونړ د نورګل ولسوالۍ کډوال لا هم په دې برخه کې له رسمي معلوماتو او عملي اقداماتو بې برخې دي.
یادو کډوالو له طالبانو غوښتي چې د ځمکو د وېش بهیر ژر تر ژره پیل، د ځنډ لاملونه روښانه، د سرپناه ستونزې ته عملي حل ومومي او د دې بهیر لپاره مشخص مهالوېش هم اعلان کړي.
د یادونې وړ ده چې دا یوازې د څو تازه رستنو شویو کډوال روایت دی.
