نیمروز کې د پولیسو یو پخوانی افسر: د سختې بېوزلۍ له امله چمتو یم خپل پښتورګی وپلورم
په نیمروز کې د پولیسو یو پخواني افسر افغانستان انټرنشنل ته په لېږلي پیغام کې ویلي، چې واک ته د طالبانو له رسېدو وروسته له سختو اقتصادي ستونزو سره مخ شوی. د هغه په خبره؛ د کورنۍ د اقتصادي ستونزو له کبله چمتو دی خپل پښتورګی وپلوري.
دغه پخوانی افسر زیاتوي، چې په نیمروز کې د مرستندویه ادارو لهخوا د مرستو د وېش پرمهال هم ورته پاملرنه نهکېږي او دوی ترې بېبرخې دي. د هغه په خبره؛ طالبان ورته بېلابېل پېغورونه ورکوي.
هغه زیاتوي: «د مرستندویه موسسو مرستې هم موږ ته نه رسېږي؛ ځکه زه د جمهوریت پرمهال پولیس وم. ماته وايي ږېره دې پر سنت او شریعت برابره کړه. هیڅ پام نه راته کېږي».
دغه د پولیسو پخوانی افسر ټینګار کوي، مالي او اقتصادي ستونزې یې تر دې کچې زیاتې شوې دي چې د خپلې کورنۍ د لومړنیو اړتیاوو پوره کولو لپاره چمتو دی خپل پښتورګی وپلوري.
خو د هغه په خبره؛ طالبانو پر دې چارې هم بندیز لګولی. نوموړی وایي، د ایران د لارو بندېدو له کبله نهشي کولی د کار لپاره دغه هېواد ته ولاړ شي. هغه زیاتوي: «اخر موږ څه وکړو؟»
