د کابل پوهنتون محصلانو افغانستان انټرنشنل ته په لېږلي پیغام کې ویلي، چې د لیلیې مودې کمېدو له ستونزو سره مخ کړي دي. د دوی په خبره، وړاندې محصلان په لیلیه کې د دوو کلونو لپاره اوسېدل؛ خو سږ کال دغه موده یو کال ته را کمه شوې ده.
یاد محصلان وايي، د اقتصادي ستونزو له کبله نهشي کولی له پوهنتون بهر کور یا کوټه کرایه کړي. د دوی په خبره، د کورنو کرایې هم په بېساري ډول لوړې دي.
دغه محصلان زیاتوي، د یادو ستونزو له کبله یې یوشمېر ټولګیوال اړ شوي چې خپلې زدهکړې د لنډمهال لپاره وځنډوي. دوی له افغانستان انټرنشنل غوښتنه کړې، چې ستونزې یې تر اړوندو طالب مسوولینو ورسوي او د حل په برخه کې یې غږ پورته کړي.
وړاندې هم د کابل پوهنتون یوشمېر محصلانو ویلي و، له لیلیو تر اېستل کېدو وروسته د استوګنې له جدي ستونزو سره مخ شوي او ځینې یې د کرایې ورکولو توان نه درلودو له امله اړ شوي چې خپلې زدهکړې پرېږدي.
