ډیموکراتانو په سنا او استازو جرګو کې د اکثریت په ګټلو واکمن جمهوريپال ګوند ته ماتې ورکړه

د امریکا د منځمهاله ټاکنو د تازه پایلو لهمخې، ډیموکراتانو د سنا جرګې د دوو خپلواکو نوماندانو په ګډون ۵۳ څوکۍ وګټلې او ورسره یې په سنا کې غوڅ اکثریت خپل کړ. له دې سره سم یې په استازو جرګه کې هم د ۲۱۸ څوکیو په ګټلو اکثریت وګاټه او په دواړو جرګو کې یې واکمن ګوند ته ماتې ورکړه.
د امریکا د منځمهاله ټاکنو د تازه پایلو لهمخې، ډیموکراتانو په لومړي سر کې د دوو خپلواکو نوماندانو په ګډون د سنا جرګې ۵۳ څوکۍ خپلې کړې او ورسره یې غوڅ اکثریت وګاټه.
تر دې وروسته ډيموکراتانو د استازو جرګې له ټولټال ۴۳۵ څوکیو څخه د ۲۱۸ څوکیو په ګټلو سره په استازو جرګه کې هم اکثریت خپل کړ او ورسره یې په دواړو جرګو کې واکمن جمهوريپال ګوند ته ماتې ورکړه.
د دغه خبر د لیکلو پر مهال د امریکا واکمن جمهوريپال ګوند په سنا جرګه کې ۴۲ څوکۍ ګټلي او په استازو جرګې یې بیا ۱۳۳ څوکۍ خپلې کړې دي.
د یادونې وړ ده، چې تر دې مخکې د امریکا د کانګرس دواړه (سنا او د استازو) جرګې د واکمن جمهوريپال ګوند په کنټرول کې وې.
د امریکا په استازو او سنا جرګو کې د ډیموکراتانو اکثریت به په واشنګټن کې د قدرت موازنه بدله کړي. له دې سره سره، د ټرمپ پر سیاستونو د دې بریا د اغېزې کچه د داخلي یووالي په ساتلو، د قوانینو په تصویبولو او د کانګرس له څارنیزو واکونو څخه په ګټې اخیستنې کې د ډیموکراتانو په وړتیاوو پورې اړه لري.
