د طالبانو د کانونو او پټرولیم وزارت مرستیال محمد اسحاق صاحبزاده وايي، د مالګې د پروسس له کارخونو سره د همکارۍ او د تولیدي ظرفیتونو د لوړولو له لارې هڅه کوي، چې په راتلونکي کې د افغاني مالګې صادراتو ته زمینه برابره کړي. افغانستان د مالګې په برخه کې ځان بسیاینې ته رسېدلی دی.
د طالبانو د اقتصاد وزیر د اروپايي ټولنې د استازولۍ له نوي مشر نیکولا بلومو سره په کتنه کې د اقتصادي بندیزونو د لرې کولو غوښتنه کړې او له اروپايي ټولنې یې غوښتي، چې له افغانستان سره مالي اړیکې پراخې او اروپايي شرکتونه پانګونې ته وهڅوي.
د طالبانو د برېښنا شرکت مشر د کاسا–زر پروژې په تړاو د قرغزستان سیمهییزو غونډو کې د دغې پروژې پر ژر بشپړېدو او د پاتې چارو بشپړولو لپاره د اضافي مالي سرچینو د برابرولو پر اړتیا ټینګار کړی. دغه پروژه له مرکزي اسیا څخه افغانستان او پاکستان ته د برېښنا لېږد په موخه طرحه شوې ده.
د ایران د ولسي جرګې غړي او د تولید د ملاتړ کمېسیون مشر محسن زنګنه ویلي، هېواد یې غواړي د تربت حیدریې ښار څخه د دوغارون له لارې د افغانستان تر هرات پورې د خامو تېلو نللیکه وغځوي او دغه هېواد ته تېل ولېږدوي. نوموړي دا خبرې په هرات ولایت کې یوې غونډې ته کړې دي.
د افغانستان د سوداګرۍ او پانګونې خونې اعلان وکړ، چې په کابل کې د افغانستان او ایران د خصوصي سکټورونو ترمنځ د ۴۵۱،۸ میلیونه امریکایي ډالرو په ارزښت چې شاوخوا ۲۹،۵ میلیارده افغانۍ کېږي ۱۱ سوداګریز هوکړهلیکونه لاسلیک شوي دي.
د افغانستان د سوداګرۍ او پانګونې خونه وايي، د امام ابوحنیفه د پنځم ملي او نړۍوال نندارتون په څنډه کې جوړې شوې غونډې کې د افغانستان او د سیمې د یو شمېر هېوادونو استازو د پانګونې پر فرصتونو او سوداګریزو همکاریو خبرې کړې دي.
د الجزیرې د یوه راپور له مخې، د پنجشېر ولایت په یوه وروستۍ داوطلبۍ کې نږدې ۳۰۰۰ قیراطه زمرد د ۲۵ زره ډالر په بیه پلورل شوي چې د نړۍوالو پام یې ځان ته اړولی دی.
د نړۍ ستر میلیاردر اېلان ماسک په هند کې د خپلې سپوږمکۍ انېټرنټي شبکې سټارلېنک د فعالیتونو لپاره د هڅو پر مهال د دغه هېواد د مخابراتي بازار پر وضعیت توندې نیوکې کړې دي. هغه د هند پر مخکښ صنعتکار موکېش امباني نیوکه وکړه او په طنزیه بڼه یې هغه ته د «لومړي وزیر امباني» خطاب کړی دی.
د ترکمنستان د ګازو دولتي شرکت اعلان کړی، چې په روان ۲۰۲۶کال کې به تر هرات ولایته د ټاپي پروژې د ګازو نللیکې غځولو لومړۍ برخه بشپړه شي. د دغه شرکت مرستیال میرات ارچاییف ویلي، چې تر هرات د یادې نللیکې د غځولو ۱۵۳ کیلومتره چارې بشپړې شوې دي.
د طالبانو د هرات، فراه او نیمروز والیانو د ایران د پارلمان له استازو او پلاوي سره په لیدنه کې غوښتنه کړې، چې د لوېدیځ زون ولایتونو له لارې د سوداګرۍ او ټرانزیټ ودې او پیاوړتیا ته لا زیاته پاملرنه وکړي. طالب والیانو د سوداګرۍ پراختیا د دواړو هېوادونو په ګټه بللې ده.
ایراني چارواکو له طالبانو سره په ګډه ناسته کې ژمنه کړې، چې په راتلونکې میاشت کې به د میلک سرحدي بندر ۲۴ ساعته فعال کړي. دواړه خواوو د سوداګرۍ پر زیاتوالي او د سرحدي زېربناوو پر وړاندې د شته خنډونو پر لرې کولو هم خبرې کړې دي.
بلخ کې د طالبانو رسنیز دفتر خبر ورکړی چې طالب والي یوسف وفا په افغانستان کې د ترکیې له سفیر سادین ایلدز سره کتلي او پر دوه اړخیزو همکاریو یې خبرې کړې دي. د دې کتنې پر مهال د اقتصادي، سوداګریزو او ترانزیټي اړیکو پر پراختیا او پیاوړتیا بحث او د نظرونو تبادله شوې ده.
د ایران د چابهار د ازادې اقتصادي سیمې عامل مدیر محمد سعید اربابي د طالبانو د اقتصاد له وزیر دین محمد حنیف سره په کتنه کې له افغانستان سره د لا زیاتو همکاریو او افغان سوداګرو او پانګوالو ته د فعالیتونو د مناسبو زمینو د برابرولو په برخو کې د یادې اقتصادي سیمې له چمتووالي خبر ورکړ.
قزاقستان او ازبکستان ویلي، چې د افغانستان له لارې د منځنۍ اسیا او سویلي اسیا د نښلولو لپاره د ترانس افغان رېل پټلۍ د پروژې پرمختګ په موخه یې له متحده عربي اماراتو سره د تفاهم یادښت لاسلیک کړی دی.
د ایران د انرژۍ وزیر د طالبانو د صنعت او سودګرۍ له وزیر نورالدین عزیزي سره کتنه کې افغانستان ته د برېښنا د صادراتو د کچې زیاتوالي، اقتصادي اړیکو او ګډو پانګونو په تړاو خبرې وکړې. نوموړي نورالدین عزیزي ته بلنه ورکړه، چې ایران کې د اوبو او برېښنا په راتلونکي نندارتون کې ګډون وکړي.
د طالبانو د ریاستالوزرا اقتصادي مرستیال ملا عبدالغني برادر وایي، په اقتصادي وده کې د خصوصي سکټور ونډه بنسټیز اهمیت لري او له همدې لپاره د سوداګرۍ او پانګونې برخه کې د اسانتیاوو برابرولو، د خنډونو لرې کولو او د خصوصي سکټور لپاره د مناسب چاپېریال رامنځته کولو هڅه کوي.
د افغانستان او ایران ګډې سوداګرۍ خونې خبر ورکړی، د ایران شاوخوا ۱۸۰ کسیز سوداګریز پلاوی چې سوداګر، پانګهوال او اقتصادي فعالان پهکې شامل دي په کابل کې د امام ابوحنیفه نړۍوال نندارتون کې د ګډون لپاره کابل ته رسېدلی دی.
د طالبانو د صنعت او سوداګرۍ وزیر نورالدین عزیزي د ایران د اسلامي شورا د تولید ملاتړ ځانګړي کمېسیون له مشر محسن زنګنه په مشرۍ له یوه ایراني پلاوي سره د دواړو هېوادونو ترمنځ د سوداګرۍ او صنعتي همکاریو پر پراختیا خبرې کړې دي.
هرات کې د طالبانو رسنیز دفتر خبر ورکړی، چې په دغه ولایت کې د بېټرۍ جوړوونکي یو شرکت د شاوخوا دوه مېلیونه امریکايي ډالرو په ارزښت د «ګرین پلس» بېټرۍ عربي هېوادونو ته صادرې کړې دي.
د طالبانو ټولګټو چارو وزارت وایي، د روان کال وږي میاشت کې د افغانستان د اوسپنې پټلۍ له لارې ۷۹۰ زره او ۷۴۱ مټریک ټنه توکي لیږدول شوي دي.
د بېلاروس د بهرنیو چارو وزیر ماکسیم ریژېنکوف د طالبانو د صنعت او سوداګرۍ له وزیر نورالدین عزیزي سره په کتنه کې له افغانستان سره د همکاریو په تړاو د چمتووالي له ښودنې سربېره وویل، ډېر ژر به افغانستان ته سفر وکړي. دواړو لورو د سوداګریزو چارو پر پراختیا هم ټینګار کړی دی.
د طالبانو د صنعت او سوداګرۍ وزیر نورالدین عزیزی د بېلاروس په پلازمېنه منسک کې د دې هېواد د کرنې له وزیر سره لیدلي. د یاد وزارت په وینا، عزیزي په دې لیدنه کې له بېلارسي چارواکو سره افغان کارګرو ته د کار موندنې په فرصتونو، کاري ویزو او بانکوالۍ خبرې کړې دي.