د طالبانو تر واک لاندې د افغانستان د سوداګرۍ او پانګونې خونه وايي، په کابل کې د افغانستان او ازبکستان د ۸۷ تولیدي شرکتونو د استازو ترمنځ په یوه سوداګریزه غونډه کې د څه باندې ۱۵۰ میلیونه ډالرو په ارزښت ۱۸ هوکړهلیکونه لاسلیک شوي دي.
د افغانستان او پاکستان د ګډې سوداګرۍ خونې مشر خانجان الکوزي د ایران او افغانستان ترمنځ د ځینو سوداګریزو راکړو ورکړو د نه ثبتېدو راپورونه رد کړل او ویې ویل، چې د دواړو هېوادونو ترمنځ سوداګري له ګمرکي لارو ترسره کېږي او توکي په سیسټمونو کې ثبتېږي.
د برېتانیا د سوداګرۍ وزارت خبر ورکړی، چې د ۲۰۲۶ کال د جون تر پایه په تېرو څلورو ربعو کې له افغانستان سره د دغه هېواد د توکو او خدمتونو د سوداګرۍ ارزښت ۷۰ مېلیون پونډه و، چې د تېر کال د ورته مودې پرتله ۱۶.۷ سلنه کموالی ښیي.
د پنجشېر لپاره د طالبانو د والي ویاند سیفالدین لټون، وايي چې په دغه ولایت کې د سرو زرو استخراج د طالبانو د مشر هبتالله اخوندزاده په امر پیل شوی دی.
د طالبانو د ټولګټو چارو وزارت وايي، د روان کال په لومړیو شپږو میاشتو کې د افغانستان د اوسپنې پټلۍ له لارې د سوداګریزو توکو لېږد د تېر کال د همدې مودې په پرتله څه باندې دوه برابره زیات شوی دی.
د افغانستان لپاره ځانګړی اماني صندوق وايي، د ښځو پر اقتصادي پیاوړتیا پانګونه نه یوازې د هغوی د سوداګریزو فعالیتونو د پراختیا لامل کېږي، بلکې نورو ښځو ته هم د کار، عاید او مالي خپلواکۍ فرصتونه برابروي.
د ایران او افغانستان د ګډې سوداګرۍ خونې مشر کمالالدین توحید وايي، د دواړو هېوادونو ترمنځ د سوداګریزو راکړو ورکړو یوه برخه له نارسمي لارو ترسره کېږي او په رسمي شمېرو کې نه ثبتېږي.
ایرواسیا نیټ رسنۍ په یوه راپور کې ویلي، چې د طالبانو او پاکستان ترمنځ روان سیاسي او امنیتي کړکېچ د منځنۍ اسیا او جنوبي اسیا ترمنځ د سوداګرۍ او سیمهییزې نښلونې پر پرمختګ سیوری غوړولی او د سیمې هېوادونه ورو ورو مني چې ټاکل شویو سوداګریزو هدفونو ته رسېدل به اسانه نه وي.
د طالبانو او عزیزي ګروپ تر منځ نن د جوزجان د جنګل کلان د ګازو او د بغلان د ډبرو سکرو د کانونو د اکتشاف او استخراج تړونونه کابل کې لاسلیک شول. د طالبانو د کانونو وزیر د ګازو پر پروژې د پانګونې کچه ۲۷۵ میلیونه ډالره په ګوته کړه، خو د ډبرو سکرو د کان د ارزښت په تړاو یې څه ونهویل.
د طالبانو تر واک لاندې د افغانستان د سوداګرۍ او پانګونې خونې مرستیال په کابل کې د روسیې له سفیر سره په کتنه کې د افغان او روسي سوداګرو ترمنځ د مستقیمو اړیکو د پیاوړتیا غوښتنه کړې. په دې کتنه کې د دواړو هېوادونو د خصوصي سکټورونو ترمنځ د اړیکو پر پیاوړتیا هم ټینګار شوی دی.
د طالبانو تر واک لاندې د افغانستان د سوداګرۍ او پانګونې خونه وايي، د روان کال په لومړیو اوو میاشتو کې د ۷۲ میلیونه ډالرو په ارزښت ځڼغوزي بهرنیو هېوادونو ته صادر شوي دي.
د طالبانو د نیمروز ولایت د نفتو او ګازو ریاست وايي، د کیفیت او معیار د ارزونې په پایله کې یې د ورېښمو پل له لارې له ایران څخه وارد شوي ۱۵ ټانکره بېکیفیته ډیزل تیل بېرته دغه هېواد ته ستانه کړي دي.
د طالبانو تر چتر لاندې د پانګونې خونې مسوولینو په کابل کې د قرغزستان له سفیر سره په کتنه کې افغان سوداګرو ته د ویزو ورکړې او د سوداګریز سفرونو په برخو کې د همکاریو غوښتنه کړې. دواړو لوریو د سوداګریزو اړیکو پر پراختیا او د سوداګریز دهلیز پر جوړېدو هم بحث کړی.
د خوړو نړۍوال پروګرام د بازار په اوونیز راپور کې راغلي، د ۲۰۲۶کال د اکتوبر په ۴مه اوونۍ کې د خوراکي توکو په بیو کې بدلون راغلی؛ د وریجو، غنمو، غوړیو او بورې بیې د تېرکال د ورته مودې پرتله لوړې شوې. راپور زیاتوي، د ورځنیو کارګرو د عوایدو او د خوراکي توکو د پېرلو وړتیا کمه شوې.
خوست کې د طالبانو د کرنې، اوبو لګولو او مالدارۍ ریاست وايي، ټاکل شوې ده چې سږ کال په دغه ولایت کې د املوکو حاصلات ۳۴۲ ټنو ته ورسېږي، چې د تېر کال په پرتله ۳۱ ټنه زیاتوالی ښيي. بل لورته بڼوال د مېوو د بازارموندنې، مناسبو سړو خونو نشتوالي او کرنیزو محصولاتو د بیو ټیټوالي شکایت کوي.
په افغانستان کې کروندګر او بڼوال شکایت کوي، که څه هم سږ کال یې کرنیز حاصلات د تېر پرتله ډېر شوي؛ خو د مناسب بازار او سړو خونو د نشتوالي له امله نهشي کولای سمه ګټه ترې ترلاسه کړي.
د ایران د سویلي خراسان چارواکي وايي، له افغانستان سره پر ګډه پوله د تېلو د قاچاق مخنیوي په موخه یې د روان کال له پیل څخه تر اوسه د افغانانو په ګډون له ۶ زرو ډېر د تېلو د وېش کارتونه لغوه کړي. ایراني چارواکي زیاته کړې، د دې طرحې په لومړیو ۲۰ ورځو کې د تېلو مصرف ۹ سلنه کم شوی دی.
د هرات لپاره د طالبانو د رسنیو دفتر وايي، په دغه ولایت کې د ټانکرونو یوه تولیدي شرکت د ۵ میلیونه ډالرو په ارزښت ټانکرونه ازبکستان ته صادر کړي دي. ویل کېږي، دغه ټانکرونه په نړۍوال ستندرد جوړ شوي دي.
د طالبانو د ریاست الوزرا اقتصادي معاونیت خبر ورکړی چې د دغه معاونیت د تدارکاتو کمیسیون په وروستي غونډه کې د ۲ میلیارده او ۸۷۳ میلیونه افغانیو په ارزښت د برېښنا شپږ پروژې منظورې کړې دي.
د طالبانو د ادارو د خپرو شویو خبرپاڼو او اعلامیو پر بنسټ د افغانستان انټرنشنل ارزونې ښيي چې دغې ډلې د خپلې پنځه کلنې واکمنۍ پر مهال لږ تر لږه د پنجشېر ۲۷۱ زره او ۴۳۲ قیراطه زمرد پلورلي دي. د دغو زمردو ټولیز ارزښت شاوخوا ۴۴ میلیونه او ۷۷۵ زره امریکایي ډالره اټکل شوی دی.
د طالبانو د کانونو او پټرولیم وزارت وايي، د افغانستان په نړیوال نندارتون کې د کابل، نورستان او کونړ قیمتي او نیمهقیمتي ډبرې د لیلام له لارې په ټولیز ډول په ۱۴۱ میلیونه او ۳۲۰ زره افغانۍ پلورل شوې دي.
طالبانو ویلي چې د افغانستان د قیمتي ډبرو په نړیوال تخصصي نندارتون کې د پنجشېر د زمردو څلور ټولګې د ۴۳ میلیونه او ۱۴۲ زره افغانیو په ارزښت پر کورنیو او بهرنیو سوداګرو پلورل شوې دي.