امام‌علی رحمان: بیش از ۶ هزار شبه‌نظامی در شمال‌شرق افغانستان مستقر شده‌اند

۱۴۰۰/۱۰/۲۰

امام‌علی رحمان، رئیس‌جمهور تاجیکستان در نشست فوق‌العاده سازمان پیمان امنیت جمعی در مورد وضعیت قزاقستان، گفت که بیش از ۶ هزار جنگجو در نواحی مرزی در شمال شرق افغانستان جا به جا شده اند.

او برای مقابله با این تهدید، طرح «کمربند امنیتی» را در این نشست مطرح ساخت.

به نقل از خبرگزاری روسی تاس، رحمان گفت: «در کل، بر اساس اطلاعات تاجیکستان، بیش از ۴۰ اردوگاه و مرکز آموزش تروریست‌ها در ولایت‌های شمال‌شرقی افغانستان وجود دارند که بیش از ۶ هزار شبه‌نظامی در آن جا داده شده اند.»

به گفته رحمان، وضعیت در مرز تاجیکستان و افغانستان «هر روز پیچیده‌تر می‌شود». او فاش کرد که «هفته گذشته، در درگیری‌های درونی طالبان در بخشی از مرز با تاجیکستان، بیش از ۱۱ طالب کشته و بیشتر از ۱۸ تن دیگر زخمی شدند.»

رحمان در این نشست پیشنهاد کرد: «ما باید یک کمربند امنیتی در اطراف افغانستان ایجاد کنیم.»

در همین حال دفتر سخنگوی کریملین روز دوشنبه از گفتگوی تیلفونی پوتین، رئیس‌جمهور روسیه با همتای تاجیکش در مورد وضعیت مرز تاجیکستان- افغانستان خبر داد.

تازه‌ترین خبرها