شارل میشل، رئیس شورای اروپا و امامعلی رحمان، رئیسجمهور تاجیکستان در مورد ثبات در آسیای میانه گفتگو کردند. شارل میشل در این دیدار به امامعلی رحمان گفت که اتحادیه اروپا برای تقویت مرزهای تاجیکستان با افغانستان همکاری میکند.
این اظهارات در حالی بیان شده که پیشتر رئیسجمهور تاجیکستان گفته بود هزاران تروریست در مرز افغانستان با تاجیکستان حضور فعال دارند.
دیدار امامعلی رحمان و شارل میشل روز پنجشنبه، ۵ عقرب در شهر آستانه که میزبان نشست آسیای میانه و اتحادیه اروپا است انجام شد.
در این نشست روسای جمهور تاجیکستان، قرقیزستان، قزاقستان، ازبکستان، نماینده رئیس جمهور ترکمنستان و رئیس شورای اروپا حضور داشتند.
هدف این نشست توسعه همکاری آسیای میانه با اتحادیه اروپا بود.
