طالبان گزارش داد که اتشه نظامی و سکرتر اول سفارت تاجیکستان در افغانستان با والی این گروه در ولایت بدخشان درباره تحکیم امنیت مناطق مرزی گفتوگو کردهاند. آنها همچنین در مورد تقویت روابط اقتصادی، ایجاد بازار مشترک و امکان بازگشایی قنسولگری تاجیکستان در بدخشان گفتوگو کردهاند.
دفتر والی طالبان در بدخشان پنجشنبه، سوم ثور در خبرنامهای نوشت، خورشید آدینهزاده، اتشه نظامی و نظر علی، سکرتر اول سفارت تاجیکستان در افغانستان با هماهنگی ریاست خارجه این ولایت با محمداسماعیل غزنوی گفتوگو کردهاند.
دیپلوماتهای تاجیکستانی در این نشست بر مدیریت موثر مرزها و تحکیم امنیت مناطق سرحدی تاکید کردهاند.
کشورهای آسیای میانه به ویژه تاجیکستان پس از به قدرت رسیدن طالبان در افغانستان از تهدیدات امنیتی در مناطق مرزی ابراز نگرانی کردهاند.
مقامات تاجیکستان پیشتر اعلام کرده بودند که به همکاری چین در مناطق مرزی با افغانستان تاسیسات نظامی میسازند.
در ماههای گذشته چندین شهروند چین در مناطق مرزی بین افغانستان و تاجیکستان کشته شدهاند. به گفته مقامات تاجیک، این حملات عمدتا از خاک افغانستان انجام شده است.
رؤسای سازمانهای مرزی کشورهای مستقل مشترکالمنافع روز چهارشنبه در نهمین نشست منطقهای در شهر گلستان تاجیکستان از تاثیرات مخرب وضعیت ناپایدار سیاسی، نظامی و اقتصادی افغانستان بر وضعیت امنیت مرزهای آسیای مرکزی ابراز نگرانی کردند.
