یونیسېف د یوې خبرپاڼې په خپرولو سره ویلي، جاپان د یونیسېف سره همکاري کړې چې په ټول افغانستان کې به ۱۶۵ لومړني ښوونځي جوړ او بیا ورغوي. یونیسېف ویلي، له دې سره به د اټکل له مخې ۳۳۰۰۰ ماشومانو ته د زدهکړې لپاره خوندي ځای چمتو شي.
په افغانستان کې لږ تر لږه نیمايي دولتي ښوونځي تر ډېره درسي خونې نه لري او په سلو کې ۵۸ یې د څښاک اوبه او د لاس وینځلو اسانتیاوې نه لري.
په افغانستان کې د یونیسېف استازی فرانک اېکوزا وايي، د جاپان د حکومت او خلکو ملاتړ په داسې وخت کې د پام وړ دی چې د افغانستان ماشومان د خپلو زدهکړو پر وړاندې له ګڼو خنډونو سره مخامخ دي.
د دغې خبرپاڼې په یوې برخې کې راغلي، چې جاپان په تېرو درېیو کلونو کې د نورو برخو تر څنګ د افغانستان له ماشومانو یې پیاوړی او دوامداره ملاتړ کړی.
