د افغانستان فوټسال ملي لوبډلې خپل تمریناتي کمپ د ایران په مشهد ښار کې پیل کړ. د افغانستان د فوټبال فدراسیون د خپرپاڼې له مخې، د دغې روزنیزې دورې موخه د اسیا د ملتونو جام په لومړنیو سیالیو کې د ګډون لپاره د ملي لوبډلې چمتو کول دي.
په دې پړاو کې افغانستان د سعودي عربستان، مکاو او اندونیزیا له لوبډلو سره په ګروپ کې دی.
د افغانستان فوټسال ملي لوبډله به د ۲۰۲۴ کال اسیايي فوټسال سیالیو په مقدماتي پړاو کې په دویم ګروپ کې د سعودي عربستان، اندونیزیا او ماکایو له لوبډلو سره سیالي وکړي.
د اسيايي فوټسال سياليو په لومړي پړاو کې ټولټال ۳۱ لوبډلې برخه لري، چې په اوو ګروپونو کې څلور لوبډلې او يو ګروپ درې لوبډلې سیالي کوي.
د سیالۍ د لومړني پړاو ګروپي کول:
لومړۍ ډله: تایلنډ، ترکمنستان، هانګ کانګ او چین
دویمه ډله: اندونیزیا، سعودي عربستان، افغانستان او مکاو
دریمه ډله: ایران، لبنان، قرغزستان او مالدیف
څلورمه ډله: ویتنام، جنوبي کوریا، نیپال او منګولیا
پنځمه ډله: تاجکستان، میانمار، فلسطین او هند
شپږمه ډله: کویت، بحرین، ختیځ تیمور او برونای
اوومه ډله: ازبکستان، عراق، مالیزیا او کمبوډیا
اتمه ډله: جاپان، چین تایپه او استرالیا
د مخکې اعلان شوي مهالویش له مخې به د دغو سیالیو لومړی ګروپ په تایلینډ، دویم ګروپ په اندونیزیا، دریم ګروپ په قرغزستان، څلورم ګروپ په منګولیا، پنځم ګروپ په تاجکستان، شپږم ګروپ به په بحرین کې ترسره شي. اووم ګروپ په ازبکستان کې او اتم ګروپ به په چین تایپه کې لوبې وکړي.