هغه روسی وګړی چې د شوروي د مړو پوځیانو پاتې شونې پلټي وايي، "له تاریخ مو نهدي زده کړي"
کنسټانټین ډبروولسکي چې له ۳۳ کلونو راهیسې په شمالي قطب کې په دویمه نړیواله جګړه کې د وژل شویو پوځیانو جسدونه لټوي، وايي: «پر اوکراین برید لیونتوب و. هغه وايي: " نن مو د پنځو وژل شویو عسکرو پاتې شونې، يوه اندازه هډوکي او زاړه مډالونه وموندل."
۷۰ کلن ډبروولسکي، د رضاکارانو له یوې کوچنۍ ډلې سره، خپل ژوند د شوروي پوځیانو د پاتې شونو موندلو ته ځانګړی کړی چې د دویمې نړۍوالې جګړې پر مهال په شمالي قطب وژل شوي وو.
ویل کېږي، په هغه وخت کې د شمال په دفاعي کرښه کې د شوروي څه باندې سل زره سرتیري وژل شوي وو.
ډبروولسکي او د هغه ډله له اتیایمې لسیزې راهیسې د شوروي پوځیانو د پاتې شونو په لټه کې دي.
تر دې دمه هغه او ډله یې توانیدلي، چې د شلو زرو سرتیرو جسدونه له واورو راوباسي.
دغه ۷۰ کلن سړی وايي، چې هره ورځ د جګړې پایلې ګورو، خو د ده په وینا «زموږ ولس له تاریخ څخه سم درس نه دی اخیستی.»
ډبروولسکي زیاتوي چې پر نازي جرمني د شوروي اتحاد بریا په تدریجي ډول د روسیې د هویت په مرکز ، په تېربه بیا د ولادیمیر پوتین د دوو لسیزو واکمنۍ پر مهال بدله شوې ده.
ښاغلي ډبروولسکي وویل چې پوتین له اوکراین سره د جګړې د توجیه کولو لپاره د دویمې نړیوالې جګړې ژبه، حافظه او انځور کارولی دی، ښاغلي ډبروولسکي وویل چې "نن موږ د هغه څه لپاره جنګیږو چې زموږ پلرونو او نیکونو په دویمه نړیواله جګړه کې قرباني کړي و."
له دې سره، هغه ټینګار کوي چې دا دواړه جګړې په بشپړه توګه توپیر لري.
د هغه په وينا، "زموږ پلرونو او نيکونو په مېړانه د هېواد دفاع کړې، نه دا چې پر بل هېواد بريد وکړي.
هغه په دې باور دی چې په اوکراین کې باید جګړه ودرول شي، ځکه د هغه په وینا د اوکراین او روسیې پولې په ۱۹۹۱ کال کې ټاکل شوې وې.
