په اسلام اباد کې د کډوالو لپاره د ملګرو ملتونو ادارې له پاکستاني چارواکو غوښتي، هغه افغان کډوال دې ژر تر ژره خوشې کړي چې په دې وروستیو کې د سند ایالت په ځينو سیمو کې نیول شوي دي.

دغه غوښتنه له هغې وروسته کېږي، چې یو ځلې بیا د کراچۍ په ښار کې د افغان کډوالو د نېولو څپه توده شوې او په تېرو څو ورځو کې شاوخوا درې سوه افغانان هلته نېول شوي دي.
داسې راپورونه هم راغلي، چې په نېول شویو افغانانو کې د مهاجر کارټونو او د پاسپورټ او ویزو لرونکي کسان هم شامل دي.
د کډوالو لپاره د ملګرو ملتونو کمېشنرۍ (یو اېېن اېچ سي ار) له پاکستاني ادارو غوښتي، چې نیول شوي افغانان دې خوشې کړي او هغه ککډوال چې په افغانستان کې یې ژوند له ګواښ سره مخامخ وي باید ونه نیول شي.
په اسلام اباد کې د یو اېن اېچ سي ار ویاند قیصر اپریدي افغانستان انټرنشنل ته وویل:« موږ د دغو افغانانو په نیولو سخت خپه یو، موږ ته داسې رپوټونه هم راغلي چې په نیول شویو، افغانکانو کې هغه ډوال هم شته، چې د مهاجرت کارتونه یا پاسپورټونه او وېزې هم ورسره وې.»
قیصر اپریدي زیاته کړه، چې موږ هم د پاکستان له ادارو او هم له خپلو همکارو ادارو غوښتنه کړې چې د هغو افغانکانو د نیولو دې ‌‌‌‌‌‌ډ‌‌‌‌‌‌ډه وکړي، چې په افغانستان کې د هغوی ژوند ته ګواښ پېښ وي.
تر دې وړاندې هم په کراچۍ کې ګڼ افغانان نیول شوي او له بندي کېدلو وروسته افغانستان ته شړل شوي وو، له هغه وروسته د پاکستان په نورو ښارونو په تېره په پلازمېنه اسلام اباد کې یو شمېر افغانان ونېول شول چې بیا وروسته دغه کسان د ضمانت په ورکولو خوشې شول؛ خو له څو میاشتو وروسته د افغان کډوالو د نېولو څپه یو ځلې بیا په کراچۍ کې پيل شوې چې دا پلا یې د یو اېن ې سي ار غبرګون هم له ځانه سره لاره.
په پاکستان کې افغان کډوال وایي، هره پلا چې د کابل او اسلام اباد تر منځ وضعیت د ترینګلتیا پر لورې کوږ شي بیا یې زور له افغان کډوالو نه وځي او د هغوی نېونې، ربړونې او کړاوونه ورسره زیاتیږي.