د خېبر پښتونخوا د پولیسو د ترهګرۍ ضد څانګه: د اسلامي دولت - خراسان څانګې څلور غړي مو نیولي

ښاغلي کاکړ د ترکیې له ټي ار ټي ټلویزیون سره په مرکه کې ویلي، چې طالبان په ختیځ، شمال، لوېدیځ او سویل کې ګڼې ډلې لري، خو د افغانستان د تحریک طالبان په نوم عمومي پوښښ لري، چې ځان ته "امارت" وايي او ټول کنټرول یې لاسته راوړی دی.

هغه زیاته کړه، دا سمه نه ده چې ګواکې د دې ډلې له مرکزه د طالبانو حکمونه په ټول هېواد کې په منظم او شفاف ډول پلي کېږي.

د پاکستان سرپرست لومړي وزیر وویل: "موږ د طالبانو په ټولیز جوړښت کې د مختلفو کوچنیو او د نفوذ لرونکو ډلو سره په تعامل کې یو."

هغه وويل، چې طالبان په افغانستان کې د يوې ياغي ډلې په توګه فعاليت کاوه او د لويديځو ځواکونو له وتلو وروسته وتوانيدل چې واک ونيسي.

دغه پاکستاني چارواکي زیاته کړه، کله چې لویدیځ او ناټو د ډېرو وختونو او منابعو له لګولو وروسته ناکام شول، نو دا تمه چې طالبان به وکولای شي له هغو ننګونو سره مبارزه وکړي چې لویدیځ ورسره په مقابله کې پاتې راغلی، یوه «تش خیال او غیر واقعیت» ده.

هغه وویل، چې طالبانو پخپله اعتراف کړی چې له نورو ډلو سره د مقابلې توان نه لري.

ښاغلي کاکړ وویل، طالبان وخت ته اړتیا لري او هیله لري چې د دواړو هېوادونو په اړیکو کې له ننګونو سره - سره پاکستان د ترهګرو ډلو د له منځه وړلو لپاره له افغانستان سره تعامل وکړي.

کاکړ زیاته کړه، چې پاکستاني طالبان په افغانستان کې دننه د روزنې کمپونه لري او په دې اړه یې له افغان طالبانو سره دا موضوع شریکه کړې ده.

د پاکستان سرپرست لومړي وزیر د دغو تازه څرګندونو په اړه افغان طالبانو کوم غبرګون نه دی ښودلی.

له دې وړاندې د طالبانو د حکومت ویاند ذبیح الله مجاهد په افغانستان کې دننه د پاکستاني طالبانو حضور رد کړی او ویلي وو، چې پاکستان دې په خپله خاوره کې دننه د وسلوالو پرضد ګامونه واخلي.

د پاکستان پوځ په یوه بیان کې ویلي، چې ښاغلي منیر د پاکستان په ملي پرمختګ په ځانګړې توګه د تعلیم او روغتیا په برخه کې د دوی د ونډې ستاینه وکړه.

د پوځ د وياند دفتر د دوشنبې په ورځ ليکلي، چې د پوځ مشر "د پاکستان د مسيحي ټولنې لپاره خپل ژور درناوى څرګند کړ او د مذهبونو د پيروانو ترمنځ يې د هماهنګۍ پر پياوړتيا ټينګار وکړ."

د پاکستان د کلیسا مشر ازاد مارشال، له ښاغلي منیر سره په لیدنه کې د "ترهګرۍ په وړاندې په جګړه کې د پوځ د رول" ستاینه وکړه، خو د هغه له قوله په بیان کې د عیسویانو په وړاندې د وروستي تاوتریخوالي یادونه نه ده شوې.

د پاکستان پوليسو د اسد په ٢٦مه اعلان وکړ، چې په پنجاب ايالت کې يې تر سلو زيات کسان د عيسويانو پر عبادتځايونو او کليساګانو د بريدونو په تور نيولي دي.

دغه بریدونه د اسد په ۲۵مه وروسته له هغه وشول، چې قهرجنو مسلمانانو ادعا وکړه چې دوو مسیحیانو د قران کریم "بې حرمتي" کړې ده.

د اېکسپرېس ټرېبیون د راپور له مخې؛ تر دې وروسته په پنجاب ایالت کې د عیسویانو سیمه تر سختې څارنې لاندې ونیول شوه.

د تحریک انصاف ګوند مشر عمران خان او د هغه د ګوند نور مشران په وروستیو میاشتو کې د بېلابېلو تورونو په تور زنداني شوي دي.

د پاکستان سرپرست لومړي وزیر اعلان وکړ، چې د تحریک انصاف هغه زرګونه غړي چې په "غیر قانوني فعالیتونو" کې برخه نه لري "په ټاکنو کې به برخه واخلي" او د دغه سیاسي پروسې په پرمختګ کې به سهیم شي.

د پاکستان د انتخاباتو کمېسیون په دې وروستیو کې اعلان وکړ، چې په دغه هېواد کې به ټاکنې د راتلونکي کال په جنورۍ کې وشي.

د پاکستان لوی سیاسي ګوندونه په داسې حال کې ټاکنو ته تیاری نیسي، چې عمران خان او د تحریک انصاف مهمې څېرې په زندانونو کې دي.

د دې اونۍ په پای کې اسوشیټیډ پرېس سره په یوه مرکه کې لومړي سرپرست وزیر انورالحق کاکړ د ټاکنو په پایلو کې د پاکستان د پوځ د لاسوهنې احتمال ناسم وباله.

عمران خان د تېر کال د حوت په وروستیو ورځو کې له افغانستان انټرنشنل سره په مرکه کې د کوم مشخص کس له نوم اخیستو پرته ویلي وو، چې په واک کې موجوده اشخاص غواړي هغه زنداني کړي او یا یې ووژني.

د پاکستان د تحریک انصاف مشر ادعا کړې وه، چې په پاکستان کې د منځمهاله انتخاباتو له ۳۷ چوکیو له ډلې څخه یې ۳۰ ګټلې دي.

هغه ټینګار کړی و"کله چې په پاکستان کې ټاکنې وشي، زما ګوند به یې وګټي."

د ښاغلي خان په وینا: “له همدې امله، هغه څوک چې په واک کې دي زما له ګوند څخه ویره لري."

نوموړي نن یکشنبه ( د تلې ۲مه) پر خپلې اېکس پاڼې د پاکستان پر حکومت غږ کړی، چې پښتنو ته دې د هغوی د قانوني سوداګرۍ پر وړاندې خنډونه نه جوړوي.

نوموړي زیاته کړې: “ که څوک پر دغو لارو زموږ روا تجارت نه پرېږدي بيا به داسې حال جوړ کړو، چې نه والله که څوک باچاهۍ راڅخه وکړي او نه زندګي راڅخه وکړي”.

اڅکزی د پښتنو سیمې ته په اشارې وايي، چې یاده سیمه د پښتنو ده او که چېرې کوم پښتون په دغه خاوره نه خفه کیږي نو په پښتونولۍ کې یې شک موجود دی.

په دې وروستیو کې د پاکستان حکومت د قاچاق د مخنیوي‌ لپاره د افغانستان او ایران سره په سرحدي پولو امنیتي تدابیر کلک کړي، خو پښتنو سوداګرو نیوکې کړي، چې د پاکستان امنیتي ځواکونه دوی ځوروي او سوداګري یې ټکنۍ شوې ده.

محمود خان اڅکزي د پاکستان حکومت ته ویلي، چې که د افغانستان او ایران سره پر پولو هر څوک د وسلو او نشه یي توکو قاچاق کوي، زنداني یې کړئ او یا یې ووژنئ؛ خو که حکومت د دوی قانوني سوداګرۍ پر وړاندې خنډ جوړوي بیا دوی هم غلي نه پاتې کیږي.

د اڅکزي په خبره، چې د پاکستان سرحدي ځواکونه، استخباراتي ادارې او پوځ له لویو قاچاقبرانو سره همکاري کوي او د رشوت په بدل کې یې تور کاروبار ته وده ورکوي؛ خو بل خوا بې وسه پښتانه ځوروي او سوداګري یې ورته په ټپه درولې ده.

د پښتونخوا عوامي نشنل ګوند رهبر زیاتوي، چې په یو شمېر پښتنو سیمو کې پاکستاني جنرالانو او نورو دولتي کارکوونکو ته ځمکې ورکړل شوې دي.
هغه زیاته کړه: “دا د پښتنو ځمکي دي دا به بېرته قبایلو ته ورکوي، دا زموږ ځمکې دي موږ خپل وطن هیچا ته نه پرېږدو"

نوموړی دا خبرې په داسې مهال کوي، چې په پاکستان کې د راتلونکو ټاکنو لپاره اماده ګي روانه ده او بېلابېلې ډلې د خپلو کمپاینونو د تنظیم لپاره په هلو - ځلو بوختې دي.

له دې وړاندې هم د بلوچستان ګڼو پښتنو د پاکستاني پوځ پر ضد بېلابېلې څرګندونې کړې وې، چې د دوی په سوداګریزو چارو کې مداخله کوي او رشوت ورځینې اخلي.

د پاکستاني پوځ د عامه اړیکو څانګه وايي، پرون یې د وسلوالو پرضد عملیات کول چې له برید سره مخ او یو سرتېری یې ووژل شو.

پوځ د سرتېرو د ټپي کېدو یا د مقابل لوري د مرګ ژوبلې په هکله څه نه دي ویلي.

له بلې خوا پاکستاني طالبانو د دې برید مسوولیت منلی او ویلي یې دي چې ۱۵ پاکستاني سرتېرو ته یې مرګ ژوبله اړولې ده.

تېره میاشت هم پوځ منلې وه چې د سوېلي وزیریستان په اسمان منځ سیمه کې یې شپږ سرتېري له وسلوالو سره په جګړه کې وژل شوي دي.

په تېرو میاشتو کې په پښتونخوا او بلوچستان په تېره پخوانیو قبایلي سیمو کې پر پاکستاني ځواکونو بریدونه ډېر شوي دي او تر ډېره یې مسوولیت پاکستاني طالبان پر غاړه اخلي.