د ملګرو ملتونو د ښځو د برخې مشره: د افغانو ښځو او نجونو د غږ پورته کولو څخه لاس نه اخلم
د ملګرو ملتونو د ښځو د برخې مشره وايي، چې د افغان مېرمنو او نجونو په وړاندې د دې سازمان ژمنې «باثباته» دي او د هغوی د غږ پورته کولو مخه به ونه نیسي.
د ملګرو ملتونو د ښځو د برخې مشره وايي، چې د افغان مېرمنو او نجونو په وړاندې د دې سازمان ژمنې «باثباته» دي او د هغوی د غږ پورته کولو مخه به ونه نیسي.
سیما بحوث زیاته کړه، چې نن سې شنبه (د میزان ۴مه) به د امنیت شورا په غونډه کې د افغانستان په اړه وینا وکړي.
د ملګرو ملتونو امنیت شورا نن د افغانستان په اړه غونډه کوي.
د افغانستان لپاره د ملګرو ملتونو د سرمنشي ځانګړی استازی به هم خپل راپور وړاندې کړي.
تر اوسه څرګنده نه ده، چې په دې غونډه کې به پر کومو موضوعاتو خبرې وشي.
د سرچینو په وینا؛ طالبانو د «سید» په نوم یو زیارت او د «پاچا د لور» په نوم یو قبر کیندلی.
دې سرچینو افغانستان انټرنشنل ته ویلي، چې د دوشنبې په ماښام لومړی له ۴۰ تر ۵۰ ناپیژانده وسله وال په څو هایلکس او فرونر موټرو کې دغې سیمې ته ورغلي دي.
د دوی په خبره، دغو کسانو د سیمې اوسېدونکي په جومات کې بند، موبایلونه یې ترې واخیستل او د سیمې ساتونکي یې هم تر څار لاندې ونیول.
زموږ سرچینې زیاتوي، چې دغه کسان د طالبانو د سیمه ییزو چارواکو په اطلاعاتو سره د شپې تر ناوخته پورې د کوتل جمالي سیمه کې د سید او د پاچا د لور په نوم د مقبرو په کیندلو بوخت وو .
ځایي سرچینې وایي، خلکو د پنجاب ولسوالۍ د طالبانو محلي چارواکو ته راپور ورکړ او هغوی سیمې ته خپل پولیس واستول؛ خو د طالبانو د والي عبدالله سرحدي په امر له نیمې لارې بیرته وګرځېدل.
زموږ سرچینو وویل، چې د سې شنبې په ورځ(د میزان په څلورمه) د وسله والو شمېر له ۳۰۰ څخه تر ۴۰۰ تنو ته ورسید.
د دوی په خبره؛ د دوی په منځ کې د طالبانو د استخباراتي ادارې استازي هم موجود دي.
ویل کیږي، چې دوی د پرمختللو وسایلو سره سپړنه کوي او ځایي خلکو ته اجازه نه ورکوي چې کیندېځای ته لاړ شي.
د هغو سرچینو په خبرو، چې له افغانستان انټرنشنل سره یې کړي، داسي ښکاري چې دغه کسان د طالبانو له ډلې سره تړاو لري او طالب چارواکي یې له هدفه خبر دي.
د يادو سرچينو په وينا؛ تر اوسه څرګنده نه ده، چې دغو کسانو د دغو کيندنو په پايله کې څه ترلاسه کړي، خو داسې انګېرل کېږي، چې دوى په «کوتل جمالي» کې د «پاچا د لور» او «سيد مقبرې» په مقبرو کې د تاريخي اثارو په لټه کې دي.
دا په داسې حال کې ده، چې د طالبانو له واک ته رسېدو وروسته د باميانو ولايت په مرکز کې د بودا د مجسمو او د ضحاک ښار شاوخوا د ناقانونه کيندنو خبرونه خپاره شوي دي.
ځینو سرچینو ویلي، چې د بامیانو لپاره د طالبانو والي عبدالله سرحدي له دغو کیندنو خبر و؛ خو د مخنیوي لپاره یې لازم اقدامات نه دي کړي.
طالبانوپه ۱۳۷۹لمریز کال کې په بامیانو کې د بودا دوه لویې مجسمې له پراخو کورنیو او نړۍوالو اعتراضونو سره سره ونړولې.
