د ازبکستان چارواکو د پنجشنبې په ورځ د (تلې په ۶مه) خبر ورکړ، چې د تاشکند هوايي ډګر ته څېرمه په یوې چاودنه کې یو کس وژل شوی او ۱۶۲ تنه ټپیان شوي دي. د چارواکو په خبره، په تاشکند هوايي ډګر کې الوتني په عادي ډول ترسره کېږي.
د ازبکستان د روغتیا وزارت ویلي، ۲۴ تنه ټپیان په روغتون کې بستر شوي او د ۱۳۸ تنه نور له درملنې وروسته کورونو ته لېږل شوي.
چارواکي وايي، دغه چاودنه په یوې ودانۍ کې د اورلګېدنې له امله شوې ده.
تر دې مهاله د چاودنې د څرنګوالي په اړه څه نهدي ویل شوي؛ خو د ازبکستان بېړنیو حالاتو ته د رسېدو اداره وايي، د چاودنې په سیمه کې یو ځانګړی لابراتوار جوړ شوی.
دفه اداره وايي، اورلګېدنه يې کابو کړې او په سیمه کې وضیعت تر کنټرول لاندې دی.
