د افغانستان د والیبال کلبونو جام سیالۍ پیل شوې
د افغانستان د والیبال د کلپونو د اتلولۍ یا سیالۍ نن د ۲۰۲۳میلادي کال د نومبر په لومړۍ نېټه په کابل کې د افغانستان د بدني روزنې ریاست په ۲۵۰۰ کسیز تالار کې پیل شوې.
د افغانستان د والیبال د کلپونو د اتلولۍ یا سیالۍ نن د ۲۰۲۳میلادي کال د نومبر په لومړۍ نېټه په کابل کې د افغانستان د بدني روزنې ریاست په ۲۵۰۰ کسیز تالار کې پیل شوې.
د پرانېستې له مراسمو وروسته د سرې میاشتې او ښاروالۍ والیبال ټیمونه سره ولوبیدل او لوبه د ۱-۳ په توپیر سره سرې میاشتې وګټله.
دا لوبې د سرې میاشتې د اونۍ د درناوي لپاره پیل شوې او تر پنځو ورځو به دوام وکړي.
د سیالیو د مهالویش له مخې، د ګروپي پړاو سیالیو په لومړیو دریو ورځو کې به هره ورځ څلور سیالۍ وشي.
په دغو پنځو ورځو کې به د ګډونوالو لوبډلو ترمنځ ۱۶ سیالۍ وشي.
دغه لوبډلې په دوو ګروپونو وېشل شوې دي، چې په لومړي ګروپ کې د سرې میاشتې، ستاره، شاروالي او صوفي کلب اې او په دويم ګروپ کې د ابن خلدون، صوفي کلب بي، المهدي او د لوګر اتلان لوبډلې دي.
