د ملګرو ملتونو د کډوالو ادارې مرستیالې جېلیان ټرېګز یو ځلې بیا د پاکستان له موقت حکومته غوښتي، چې له دغه هېواده دې له ګواښ سره مخامخ افغانان و نه باسي.
جېلیان ټرېګز خبرداری ورکړ، هغو افغانانو چې په پاکستان کې یې پناه اخیستې؛ که له دغه هېواده واېستل شي له ځورونې سره به مخامخ شي.
د ملګرو ملتونو دغې چارواکې په خپلې اېکس پاڼه لیکلي چې:" د اېستلو د بهیر د بندولو غوښتنه تکراروم؛ ځکه چې افغان کډوال ممکن له اېستلو وروسته له ګواښ سره مخ شي."
د پاکستان د حکومت د وروستیو شمېرو له مخې، افغانستان ته د ستنو شویو افغانانو شمېر ۲۵۲ زرو تنو ته رسېدلی دی.
ملګري ملتونه وايي، ډېری راستانه شوي کډوال د پاکستاني پولیسو لهخوا د نیول کېدو له وېرې افغانستان ته ستانه شوي دي.