پوتين: د ډله ییز امنيتي تړون تر غونډې مخکې بايد د افغانستان په اړه خبرې وشي

ولادیمیر پوتین زیاته کړه، چې دا خبرې د ډله ییز امنیتي د تړون د سازمان د غونډې په څنډه کې مهمې دي.
ټاکل شوې ده د ډله ییز امنیتي تړون د سازمان د امنیت شورا غونډه د نومبر په ۲۳مه په بیلاروس کې جوړه شي.
ولادیمیر پوتین او امام علي رحمان به د ډله ییز امنیتي تړون سازمان په غونډه کې ګډون وکړي.
د ډله اییز منیتي تړون سازمان په پرله پسې ډول اعلان کړی، چې ترهګرې ډلې په افغانستان کې فعال حضور لري.
ښاغلي پوتین د سې شنبې په ورځ (د لړم په ۳۰مه) د کرملین په ماڼۍ کې امام علي رحمان ته وویل: «په سیمه کې د امنیت اړوند مسایل خورا مهم دي، په تېره بیا په مینسک کې د ډله ییز امنیتي تړون د سازمان د غونډې په څنډه کې».
د ریانووستي خبری اژانس د راپور له مخې؛ ولادیمیر پوتین وویل، چې روسیه او تاجکستان له یو بل سره ډېر نېږدې کار کوی او دریځونه همغږي کوي.
د روسیې او تاجکستان د مشرانو ترمنځ خبرې اترې د مسکو په کرملین ماڼۍ کې د تړلو دروازو تر شا روانې دي.
روسیه او تاجکستان د نورو هېوادونو په څېر طالبان په رسمیت نه پېژني او په وار - وار یې له افغانستان څخه د تروریستي ګواښونو خبرداری ورکړی دی.

پر دې سربېره دواړو هېوادونو پرله پسې ټېنګار کړی، چې په افغانستان کې باید یو ټول شموله حکومت جوړ شي.