اکسپرېس تربیون د پنجشنبې په ورځ د (فبرورۍ په لومړۍ نېټه) ویلي، چې دغه اوربند د افغان طالبانو په ځانګړې توګه د حقاني ډلې په منځګړیتوب په شفاهي بڼه د دواړو خواوو تر منځ شوی دی.
په راپور کې ویل شوي، چې یوازې د کال په لومړۍ میاشت کې د خیبر پښتونخوا په اړونده سیمو کې ۲۷ بریدونه شوي؛ خو د یوه هغه پړه یې هم د پاکستاني طالبانو تحریک نه ده منلې.خو تر اوسه حکومت او ټيټيپي ډلې په دې اړه په ښکاره ډول څه نه دي ويلي.خو د پاکستان د طالبانو تحریک تر دې وړاندې ویلي و، چې دوی یوازې پوځي موخې په نښه کوي او له عامو خلکو او ټاکنیزو کمپاینونو سره کار نه لري.همدغه نن هم دغې ډلې په تازه خبر پاڼه کې ویلي وق، چې له دې وروسته به جګړې زور اخلي؛ خو د ټاکنو په اړه یې څه نه و ویلي.په پام کې ده، چې یوه اونۍ وروسته د فبرورۍ په اتمه نېټه په پاکستان کې ټاکنې ترسره شي او سر له اوسه حکومت د پاکستان په بېلابېلو برخو کې کوټلي امنیتي ګامونه اخیستي دي.
دغې ډلې په خبرپاڼه کې ویلي، چې دغه بریدونه یې د ډېره اسماعیل خان، ټانک، جنوبي وزیرستان، بنو، پېښور، کوهاټ، ملاکنډ، باجوړ او د کویټې په کلای عبدالله کې کړي او د دوی په خبره چې د پاکستان پوځ او پولیسو ته یې د درنې مرګ ژوبلې تر څنګ د هغوی وسلې او موټرې هم ویجاړې کړې دي.
په خبرپاڼه کې د دغو بریدونو بڼو ته هم اشاره شوې او ویل شوي، چې دغه بریدونه د لایزر، تعارضي، لاسي بمونو، هدفي موخې، ځوابی بریدونه، د توعندیو توغول او د خرپ او ترپ په بڼو ترسره شوي چې له امله یې ۷۰ تنه وژل شوي او ۹۰ تنه نور ټپیان شوي دي.
په خبرپاڼه کې د وژل شویو او ټپیانو په اړه ویل شوي، چې ۷۱ تنه یې د پوځ، ۴۴ یې پولیس، ۳۵ یې سیمهییز ځواکونه یا اېف سي او ۱۰ تنه نور یې خفیه پولیس وو.
دا رنګه په خبرپاڼه کې راغلي، چې د دغو عملیاتو په ترڅ کې دغې ډلې یو شمېر وسلې او مهمات هم تر لاسه کړي دي.
دغې ډلې دا رنګه ویلي، چې دوی به په راتلونکو میاشتو کې د خپلو بریدونو لړۍ روانه ساتي او جګړه به تر پخوا لا زیات زور واخلي؛ خو په دغې خبرپاڼه کې د ټيټيپي غاړې ته د اوښتو زیانونو په اړه څه نه دي ویل شوي.
تر دې دمه د پاکستان پوځ او پولیسو په دې اړه څه نه دي ویلي او نه هم کومې بلې خپلواکې سرچینې د دغو ادعاوو پخلی کړی؛ خو په تېره یوه میاشت کې د یادو شویو سیمو څخه د تاوتریخوالي ګڼ راپورونه خپاره شوي دي.