د پاکستان ولسمشر د دغه هېواد د صنعت او تجارت له ادارې وغوښتل چې د کاوربار لپاره له بانکونو د پور اخیستو په برخه کې له سوداګرو ښځو سره همکاري وکړي. عارف غلوي پرون په اسلام اباد کې د ښځو او ځوانانو د صنعت او تجارت اړوند غونډه کې دا غوښتنه وکړه.
هغه پر صنعت او تجارت فدراسیون ټینګار وکړچې صنعت کې د ښځو ډېر ګډون ته لار برابره کړي او په خپلو اړوند ادارو کې ډېرې مېرمنې وګوماري.
عارف علوي وايي، د ښځو د کاروبار د پراختیا لپاره پکار ده چې له بانکونو په پنځه سلنه سود سره یو نیم میلیون روپۍ پور واخلي.
دغې ډلې په خبرپاڼه کې ویلي، چې دغه بریدونه یې د ډېره اسماعیل خان، ټانک، جنوبي وزیرستان، بنو، پېښور، کوهاټ، ملاکنډ، باجوړ او د کویټې په کلای عبدالله کې کړي او د دوی په خبره چې د پاکستان پوځ او پولیسو ته یې د درنې مرګ ژوبلې تر څنګ د هغوی وسلې او موټرې هم ویجاړې کړې دي.
په خبرپاڼه کې د دغو بریدونو بڼو ته هم اشاره شوې او ویل شوي، چې دغه بریدونه د لایزر، تعارضي، لاسي بمونو، هدفي موخې، ځوابی بریدونه، د توعندیو توغول او د خرپ او ترپ په بڼو ترسره شوي چې له امله یې ۷۰ تنه وژل شوي او ۹۰ تنه نور ټپیان شوي دي.
په خبرپاڼه کې د وژل شویو او ټپیانو په اړه ویل شوي، چې ۷۱ تنه یې د پوځ، ۴۴ یې پولیس، ۳۵ یې سیمهییز ځواکونه یا اېف سي او ۱۰ تنه نور یې خفیه پولیس وو.
دا رنګه په خبرپاڼه کې راغلي، چې د دغو عملیاتو په ترڅ کې دغې ډلې یو شمېر وسلې او مهمات هم تر لاسه کړي دي.
دغې ډلې دا رنګه ویلي، چې دوی به په راتلونکو میاشتو کې د خپلو بریدونو لړۍ روانه ساتي او جګړه به تر پخوا لا زیات زور واخلي؛ خو په دغې خبرپاڼه کې د ټيټيپي غاړې ته د اوښتو زیانونو په اړه څه نه دي ویل شوي.
تر دې دمه د پاکستان پوځ او پولیسو په دې اړه څه نه دي ویلي او نه هم کومې بلې خپلواکې سرچینې د دغو ادعاوو پخلی کړی؛ خو په تېره یوه میاشت کې د یادو شویو سیمو څخه د تاوتریخوالي ګڼ راپورونه خپاره شوي دي.