ځینې رسنیو په سوریه کې د ایران د ملاتړو ملیشو پر مرکزونو د هوايي بریدونو خبر ورکړی
د العربیه خبريی شبکې د راپور له مخې، په سوریه کې د ایران د اسلامي جمهوریت د ملاتړو وسله والو ډلو پر مرکزونو هوايي بریدونه شوي دي.
د العربیه خبريی شبکې د راپور له مخې، په سوریه کې د ایران د اسلامي جمهوریت د ملاتړو وسله والو ډلو پر مرکزونو هوايي بریدونه شوي دي.
د سوریې د بشري حقونو د څار ډلې ویلي، چې د دغه هیواد په ختیځ کې د ایران د ملاتړو ملیشو پر اتو مرکزونو بریدونو کې لږ تر لږه شپږ تنه وژل شوي دي.
د دغې ډلې په وینا، داسې ښکاري چې د سوریې په ختیځ کې دغه بریدونه د امریکايي ځواکونو له خوا شوي دي.
د سوریې په المیادین ښار کې د حیدریه او شبلي سیمې په هوايي بریدونو کې په نښه شوي دي. په دغو بریدونو کې د ایران اسلامي جمهوریت ملاتړو ډلو مرکزونه وشتل شوي دي.
د اسکای نیوز عربی څانګې ویلي، چې په دغو بریدونو کې د سوریې په ختیځ کې د "فاطمیون" او "زینبیون" ملېشو مرکزوونه ویشتل شوي دي. د "فاطمیون" او "زینبیون" ملېشو ملاتړ د ایران د اسلامی جمهوریت له خوا کیږي.
خو د امریکا د دفاع وزارت یوه چارواکي پولیټیکو ته ویلي، چې دا بریدونه د امریکا د پوځ کار نه دی.
توکیو په دې ورستیو اونیو کې ټرامپ ته له نږدې کسانو سره د تعامل هڅې ګړندۍ کړي، ځکه چې په راتلونکو ټولټاکنو کې د یوه مخکښ کاندید په توګه د ۷۷ کلن ټرامپ بریا تر ډیره شونې بریښي.
د رویټرز خبري اژانس د راپور له مخکې، د جاپان دغه هسې له شپږو جاپانې چارواکو سره د مرکو په اساس په داسې حال کې ښکاره کیږي چې د جاپان لومړی وزیر فومیو کیشیدا د اپریل په میاشت کې د متحده ایالاتو د ولسمشر جو بایډن په بلنه امریکې ته سفر کوي.
د درېیو چارواکو د معلوماتو له مخې د دغه سفر په پلاوي کې د واکمن ګوند لوړ پوړي چارواکي هم شامل دي او دوی به امریکا ته د سفر پر مهال له ټرامپ سره د لیدو هڅه وکړي.
د شپږو جاپاني چارواکو د خبرو له مخې چې نه یې غوښتل نومونه یې واخیستل شي، د توکیو ستره اندېښنه داده که چیرې ټرامپ بیرته واک ونیسي، هغه به د دوو مخکښو هېوادونو تر منځ اقتصادي یا امنیتي تړون لاسلیکول وغواړي چې دا به د چین سره د مقابلې لپاره د اوو بډایه هېوادونو (جي ۷ډلې) وروستې هڅې زیانمنې کړي.
جاپاني چارواکو ویلي، چې د ټرامپ د پلانونو په اړه مشخص معلومات نه لري، خو د ټرامپ د تېرې ولسمشرۍ دورې کړنو په اړه اندېښنه لري. ټرامپ د خپلې ولسمشرۍ په تیره دورې کې له شي جینپینګ سره د خپلو اړیکو دفاع وکړه او همدا راز د شمالي کوریا له مشر کیم جونګ اون سره د اټومي تړون په لټه کې ناکام شو.
د جاپان د بهرنیو چارو وزارت دوو چارواکو ویلي، دوی وېره لري چې ټرامپ به له چین سره د یوې موافقې په تعقیب له ټایوان د امریکا ملاتړ کمزوری کړي.
د ټرامپ یو همکار رویترز ته ویلي، په دې نژدې وختونو کې د ټرامپ او جاپاني چارواکو تر منځ کومه کتنه نه ده شوې. هغه په دې اړه له نورې تبصرې ډډه وکړه.
د چین او تایوان د بهرنیو چارو وزارتونو ویلي چې دوی به د ټاکنو پایلو ته په پام سره له متحده ایالاتو سره له نږدې کار وکړي.
د جاپان پخوانی لومړی وزیر شینزو ابې لومړنی بهرنی مشر و چې د ۲۰۱۶ کال له بریا وروسته یې له ټرمپ سره وکتل.
