ځینې رسنیو په سوریه کې د ایران د ملاتړو ملیشو پر مرکزونو د هوايي بریدونو خبر ورکړی

د خراسان رضوي سرحدي قومندانۍ قومندان مجيد شجاع ویلي، چې دغه نشه يي توکي په يوه لارۍ کې ځاى پرځاى شوي وو او له افغانستان نه ايران ته د ننوتلو پرمهال نیول شوي دي.

د ایران ایسنا خبري اژانس د جمعې په ورځ د ښاغلي شجاع په حواله ویلي،‌ چې دغه نشه يي توکي د «مسلکي قاچاق وړونکو» له خوا د لارۍ په لاندنۍ برخه کې ځای پر ځای شوي وو.

د مجید شجاع په وینا، کشف شوي نشه یې توکي، لارۍ او د نشه یی توکو قاچاق وړونکی د ایران قضایی برخو ته سپارلی دی.

په وروستیو ورځو کې د ایران په زندانونو کې د اعدامونو د شمېر زیاتوالي د بشري حقونو د بنسټونو اندېښنې راپارولي دي. د بشري حقونو سازمانونو ویلي دي، چې په اعدام شویو کسانو کې یو شمېر سیاسي بندیان او د مخدره موادو په قاچاق تورن کسان هم شامل دي.

توکیو په دې ورستیو اونیو کې ټرامپ ته له نږدې کسانو سره د تعامل هڅې ګړندۍ کړي، ځکه چې په راتلونکو ټولټاکنو کې د یوه مخکښ کاندید په توګه د ۷۷ کلن ټرامپ بریا تر ډیره شونې بریښي.

د رویټرز خبري اژانس د راپور له مخکې، د جاپان دغه هسې له شپږو جاپانې چارواکو سره د مرکو په اساس په داسې حال کې ښکاره کیږي چې د جاپان لومړی وزیر فومیو کیشیدا د اپریل په میاشت کې د متحده ایالاتو د ولسمشر جو بایډن په بلنه امریکې ته سفر کوي.

د درېیو چارواکو د معلوماتو له مخې د دغه سفر په پلاوي کې د واکمن ګوند لوړ پوړي چارواکي هم شامل دي او دوی به امریکا ته د سفر پر مهال له ټرامپ سره د لیدو هڅه وکړي.

د شپږو جاپاني چارواکو د خبرو له مخې چې نه یې غوښتل نومونه یې واخیستل شي، د توکیو ستره اندېښنه داده که چیرې ټرامپ بیرته واک ونیسي، هغه به د دوو مخکښو هېوادونو تر منځ اقتصادي یا امنیتي تړون لاسلیکول وغواړي چې دا به د چین سره د مقابلې لپاره د اوو بډایه هېوادونو (جي ۷ډلې) وروستې هڅې زیانمنې کړي.

جاپاني چارواکو ویلي، چې د ټرامپ د پلانونو په اړه مشخص معلومات نه لري، خو د ټرامپ د تېرې ولسمشرۍ دورې کړنو په اړه اندېښنه لري. ټرامپ د خپلې ولسمشرۍ په تیره دورې کې له شي جینپینګ سره د خپلو اړیکو دفاع وکړه او همدا راز د شمالي کوریا له مشر کیم جونګ اون سره د اټومي تړون په لټه کې ناکام شو.

د جاپان د بهرنیو چارو وزارت دوو چارواکو ویلي، دوی وېره لري چې ټرامپ به له چین سره د یوې موافقې په تعقیب له ټایوان د امریکا ملاتړ کمزوری کړي.

د ټرامپ یو همکار رویترز ته ویلي، په دې نژدې وختونو کې د ټرامپ او جاپاني چارواکو تر منځ کومه کتنه نه ده شوې. هغه په دې اړه له نورې تبصرې ډډه وکړه.

د چین او تایوان د بهرنیو چارو وزارتونو ویلي چې دوی به د ټاکنو پایلو ته په پام سره له متحده ایالاتو سره له نږدې کار وکړي.

د جاپان پخوانی لومړی وزیر شینزو ابې لومړنی بهرنی مشر و چې د ۲۰۱۶ کال له بریا وروسته یې له ټرمپ سره وکتل.

په روانه اونۍ کې په دې اړه پوښتنې زیاتې شوې چې واشنګټن به په اردن کې د یوې ایراني پلوه ډلې له خوا د دوی پر اډه برید کې د درې امریکایي سرتیري د ووژل کیدو غچ په څه ډول له ایران څخه واخلي.

سي بي ایس نیوز ټلویزیون، د امریکايي چارواکو له قوله د پنجشنبې په ورځ راپور ورکړی و چې امریکا په عراق او سوریه کې د ایراني پرسونل او تاسیساتو په ګډون پر څو موخو د څو ورځنیو بریدونو پلان نهايي کړی دی.‌

د ایران ولسمشر رییسي په یوه ټلویزیوني وینا کې ویلي: «موږ به هېڅ جګړه پیل نه کړو، خو که څوک وغواړي چې زموږ سره له زوره کار واخلي، سخت ځواب به ورکړو.»

رسیسي زیاته کړې: «پخوا چې کله دوی (امریکایانو) غوښتل له موږ سره خبرې وکړي، ویل به یې چې پوځي انتخاب هم یوه شونتیا ده، اوس وايي چې له ایران سره د جګړې نیت نه لري.»

څلورو امریکايي چارواکو رویټرز خبري اژانس ته ویلي، چې د امریکا ارزونو ښودلې چې هغه بې پیلوټې الوتکې چې د درې امریکايي پوځیان یې وژلي او تر ۴۰ ډېر نور یې ټپیان کړي، د ایران له خوا جوړه شوې ده.

پر اسراییل د حماس د تېر اکتوبر د ۷ له برید او د تل ابیب په ځوابي یرغل پسې منځني ختیځ کې ایران ملاتړو ډلو هم د اسراییل او امریکا پر اهدافو وخت ناوخت بریدونه کړي دي.

په مقابل کې امریکا او اسراییل هم په عراق او سوریه کې د ایران ملاتړو وسلوالو پر مرکزونو بریدونه کړي او یوه برید کې د ایران د سپاه پاسداران څلور قوماندانان هم ووژل شول.

ایران نن هم منلې چې په سوریه کې یې یو پوځي سلاکار د اسراییل برید کې وژل شوی دی.

دا پېښه یوه ورځ له هغه وروسته ده چې باوري سرچینو روټیرز ته پرون ویلي و، ایران د سپاه پاسدارن ځینې مهم قوماندانان له سوریې اېستلي دي.

د راپورونو له مخې، په تېرو ۴۰ ورځو کې د ایران د سپاه پاسدران شپږ سلاکاران په سوریه کې وژل شوي دي.

بلوڅ ازادۍ جبهې تېره دوشنبه دغه برید وکړ چې د سې شنبې تر سهار روان و او ۵۰ پاکستاني سرتېرو ته یې د مرګ ژوبلې اړولو ادعا کوله.

د بلوچستان د ترهګرۍ ضد ادارې تېره چارشنبه وویل، په هغه برید کې یې ۱۱ وسلوال وژلي دي.

پوځ هغه مهال په دغو عملیاتو کې د څلورو پوځیانو او دوو ولسي وګړو د وژل کېدو خبره کړې وه.

د پاکستان د ټاکنو په درشل کې امنیتی ځواکونه په سرحدي سیمو کې د وسلوالو د تاوتریخوالي د مخنیوي لپاره تیارسي دي.

د ټاکنو کمېسون د مهالوېش له مخې شپږ ورځې وروسته د پاکستان ټاکنې کېږي.

هغه مهال د اوکراین لودیځو شریکانو دغه هیواد ته د روسیې د ۲۰۲۲ کال له تیري سره د مقابلې لپاره د لا ډیرو پوځي مرستو لېږلو کې اندېښنې درلودې.

د اورکراین دفاع وزارت په یوه اعلامیه کې ویلي: «توماس نخکور، چې د دفاع وزارت د تخنیکي پالیسۍ او د وسلو د پراختیا د څانګې مشر و، وروسته له هغه یې دنده وځنډول شوه چې په یوه نامعلومه جنایي قضیه کې د رسمي شکمن په توګه وپیژندل شو.»

د اوکراین د امنیتي خدماتو ادارې، تیره اونۍ ویلي و، چې دوی د اوسنيو او پخوانیو چارواکو او سوداګرو لخوا د ۴۰ میلیونه ډالرو د اختلاس یوه قضیه ترلاسه کړې.

د دې ادارې په خبره، په ۲۰۲۲ کال کې د روسیې له یرغل څو میاشتې وروسته ځینو شرکتونو ته د توپ مرمیو د اخیستو لپاره پیسې ورکړل شوې، خو دغه مرمۍ اخیستل شوې نه دي.‌

دغې ادارې په دې قضیه کې د شکمنو کسانو نومونه نه و اخیستي، خو اوکراینې رسنیو بیا ویلي و، چې توماس نخکور په دغه قضیه کې د ښکیلو کسانو له ډلې یو دی.

د اوکراین د دفاع پخواني وزیر هم د فساد د تورونو له امله له دندې ګوښه شوی و، سره له دې چې هغه د اوکراین د لودیځو متحدینو سره نږدې اړیکې درلودې.

اوکراین کې د فساد دا نوې قضیه په داسې مهال ده، چې د امریکا جمهوریپالو دغه هېواد ته د نورو وسلو د ور کولو لپاره د جو بایډن غوښتنه نه ده منلې.