د پاکستان او افغانستان د سوداګرۍ د ګډې خونې همغږي کوونکي ضیاءالحق سرحدي وايي، د هغو لاریو چلوونکو ته دې د تګ و راتګ ځانګړي سندونه ور کړل شي چې د پاکستان او افغانستان ترمنځ مالونه لېږدوي.
هغه وويل، چې د دې طرحې موخه د دواړو هېوادونو ترمنځ سوداګرۍ کې اسانتيا رامنځته کول دي.
پاکستانۍ ورځپاڼې اېکسپرېس ټریبیون د یکشنبې په ورځ د ضیاءالحق سرحدی له قوله راپور ورکړ، چې په دې وروستیو کې د دواړو هېوادونو ترمنځ تګ راتګ د موټر چلوونکو د ویزې د ستونزو له امله لس ورځې بند شوی و.
د ښاغلي سرحدي د وړاندیز پر بنسټ، د شاوخوا زرو لاریو چلوونکو تهله دغو لاریو باید د ویزې پر ځای یو ځانګړی سند ورکړل شي، چې د پاکستان او افغانستان ترمنځ د سوداګریزو توکو دخوسا کېدو لیږد په برخه کې ستونزې حل شي.
هغه ټینګار وکړ چې دغه لارۍ باید د پاکستان او افغانستان په ګمرکونو او ټرانسپورتي ادارو کې ثبت شي.
ښاغلي سرحدي زیاته کړه چې باید د ځانګړي پاسپورټ د ورکړې لپاره لګښت واخیستل شي.
د پاکستان او افغانستان د سوداګرۍ او صنایعو د ګډې خونې د همغږي کوونکي په خبره، د پولې دواړو غاړو ته سلګونه لارۍ بندې دي او د خرابیدونکو توکو د خرابېدو له امله سوداګرو ته درانه زیانونه اوښتي دي.