د میانمار حکومت د نارینه او ښځو لپاره اجباري پوځي خدمت پلي کوي
د میانمار دولتي رسنیو راپور ورکړی، چې د هېواد نظامي حکومت د نر او ښځې لپاره اجباري نظامي خدمت پلي کوي.
د میانمار دولتي رسنیو راپور ورکړی، چې د هېواد نظامي حکومت د نر او ښځې لپاره اجباري نظامي خدمت پلي کوي.
د دغه فرمان له مخې؛ ټول نارینه، چې عمرونه یې د ۱۸ او ۳۵ کلونو تر منځ دي او ښځې چې عمرونه یې د ۱۸ او ۲۷ کلونو ترمنځ دي باید تر دوو کلونو پورې په پوځ کې دنده ترسره کړي.
د میانمار دولتي رسنیو د شنبې په ورځ راپور ورکړ، چې د بېړني حالت د اعلان په صورت کې به پوځي خدمت تر پنځو کلونو پورې وغځول شي.
د حکومت نظامي ویاند زاو مین تون دولتي رسنيو ته وويل: « د ملت د ساتنې او دفاع په دنده کې د سرتېرو تر څنګ ټول اتباع شامل دي.»
میانمار له ۲۰۲۱ کال راهیسې، چې پوځ د یوې کودتا په پایله کې واک په لاس کې واخیست د ګډوډۍ سره مخ و.
د میانمار د دولتي رسنیو په خبره دا حکم په داسې حال کې صادر شوی، چې پوځي حکومت هڅه کوي د هغو وسله والو مخه ونیسي، چې د هېواد په بېلابېلو برخو کې په خپلسري ډول جنګیږي.
په پوځي خدمت کې د خبري شموليت قانون په ۲۰۱۰ کال کې نافذ شو؛ خو تر اوسه نه دی پلی شوی.
د دغه قانون له مخې د دغه قانون له احکامو سرغړونه تر پنځو کلونو پورې د بند سزا ده.
