اوچا: پرتګال له افغانستان سره د ۲۰۰ زره یورو مرسته وکړه
د ملګرو ملتونو د بشري مرستو د همغږۍ دفتر (اوچا) نن له افغانستانه سره د پرتګال د ۲۰۰ زره یورو د مرستو خبر ورکړ.
د ملګرو ملتونو د بشري مرستو د همغږۍ دفتر (اوچا) نن له افغانستانه سره د پرتګال د ۲۰۰ زره یورو د مرستو خبر ورکړ.
په افغانستان کې د ملګرو ملتونو د بشري مرستو د همغږۍ دفتر (اوچا) د دوشنبې په ورځ (د سلواغې ۲۳مه) په خپل اېکس کې له افغانستان سره د دغو مرستو خبر ورکړ.
دغه دفتر وايي؛ دا لومړی ځل دی، چې پرتګال له افغانستان سره د بشري مرستو له صندوق سره مرسته کوي.
اوچا زیاته کړې، چې دغه پيسې د افغانستان د بشري مرستو صندوق ته ورکړل شوې دي.
د افغانستان د بشري مرستو له صندوق سره ډېری هیوادېونه په داسې حال کې بشردوستانه مرستې کوي، چې په ۲۰۲۳ کال کې ډېر شمېر مرستندویه ادارو د بودیجې د کمښت یا د ختمېدو خبر ورکړی و.
دغو بنسټونو له ټولو هېوادونو غوښتي وو؛ څو د افغانستان له بیوزله خلکو سره د مرستو په موخه له دوی څخه مالي ملاتړ وکړي.
پر افغانستان د طالبانو له واکمنۍ وروسته سره له دې چې ډیریو افغانانو هیواد پریښود، په دولتي او نا دولتي ادارو کې د ښځو په ګډون ډیر شمېر کسانو خپلې دندې هم له لاسه ورکړې، چې دې مسالې د افغانستان د خلکو اقتصادي وضعیت تر پخوا هم بدتره کړ.
