د خوړو نړۍوال پروګرام سې شنبه د سلواغې ۲۴مه په اېکس پاڼه لیکلي، چې تېر کال یې په افغانستان کې له نږدې ۱۹ مېلیونه خلکو سره د خوراکي توکو او نغدو پیسو مرسته کړې ده.
دغه پروګرام لیکلي، چې د دغو مرستو سره خلکو خپلو ماشومانو ته د خوړو په برابرولو، سیمهییزې اقتصادي ودې، د ماشوماتو په زدهکړو، د خوارځواکۍ په مخنیوي او د یوې ټولنې د بسیاینې په برخو کې مرسته کړې ده.
دغه پروګرام زیاته کړې، چې په تېر یوه کال کې یې په افغلنستان کې د خوراکي توکو، نغدي مرستو، تغذیې او د ټولنې د پیاوړتیا په برخو کې مرستې کړې دي.
تېره اونۍ دغه پروګرام د یوه راپور په خپرولو سره ویلي و، چې تېر کال کې یې له ۵۰۰ زره مېرمنو سره مرسته کړې ده.
دغه پروګرام په اېکس پاڼه لیکلي و، چې د دغو مرستو موخه د افغان مېرمنو په ځان بسیاینه وه او هغوی ته یې داسې روزنه ورکړې چې د نويو مهارتونو سره د ژوند د بسیا کولو لپاره ترې کار واخلي.
تر دې وړاندې د خوړو نړۍوال پروګرام اندېښنه څرګنده کړې وه، چې له پاکستانه له نیم مېلیون څخه ډېر افغان کډوال بې له پانګې او شتمنیو څخه په زور افغانستان ته لېږل شوي چې د خوراکي توکو مرستو ته ډېره اړتیا لري.