طالبانو په کابل کې د مسافرو پر یوه موټر ډزې کړي چې د یو محصل په ګډون یې پنځه تنه وژلي دي

د طالبانو د بدنې روزني او ورزش مشر احمدالله وثیق په کابل کې د واليبال د ملي لوبو د لیګ د درېیم پړاو د پيل په مراسمو کې وويل، چې ډېر ژر به د واليبال ملي لوبډلې د غواري لپاره سیالۍ پيل کړي.

نوموړي وويل، چې د واليبال دغه سيالۍ د ۸ لوبډلو تر منځ پيليږي، چې موخه یې د ملي لوبډلې ټاکل دي.

هغه زیاته کړه: « مخکې د والیبال د غوره لیګ په سياليو کې ۶ لوبډلې وې سږ کال به ۸ لوبډلې وي، موخه مو د ملي لوبډلې ټاکل دي.»

د وثیق په خبره، چې ورزش ته يې پاملرنه زياته ده او په دې برخه کې يې هڅې تر ولسواليو او کليو رسېدلي دي.

د هغه د معلوماتو له مخې؛ سږ کال د افغانستان د واليبال ملي لوبډله په شپږو نړۍوالو سياليو کې درېيم مقام خپل کړی.

نوموړی وايي؛ دا مهال يې د هېواد واليبال ملي لوبډله د نړۍ په سطحه له ۸۰یم مقام څخه ۶۴م او د اسیا په سطحه له ۳۶م ځای څخه ۱۵م ته پرمختګ کړی.

د طالبانو د ورزش دغه مشر زیاته کړې، چې ورزش ته د لا پاملرنې له کبله يې د همږغۍ او عنانوي لوبو د ژوندي ساتلو امريتونه هم زيات کړي دي.

په افغانستان کې د ځوانانو لویه برخه په ورزش بوخته ده؛ خو له دې سره - سره د طالبانو د امرباالمعروف ادارې له لوري لوبغاړو ته د لوبو پر مهال د بدن د ځينو اندامونو د پټ ساتلو سپارښتنې هم شوي دي، چې دغه سپارښتنې د ډېرو لوبغاړو د انتقاد سره مخ شوي دي.

دا څېړنه له ۲۰۲۱ څخه تر ۲۰۲۳ کال پورې په افغانستان، پاکستان او هند کې له سلګونو ښځو سره د مخامخ خبرو، انلاین مرکو او د پوښتنلیکونو د وېش پر بنسټ ترسره شوې ده.

دا څېړنه د افغانستان په ۱۱ ولایتونو کې له ۵۰۰ مېرمنو سره په بلخ، بامیان، هرات، جوزجان، کابل، کندز، لغمان، ننګرهار، نیمروز او پکتیا کې مخامخ مرکې او په پنجشیر کې د انلاین مرکې ترسره شوې.

د دې څېړنې له مخې؛ په افغانستان کې ۸۶ سلنه ښځې رواني ستونزې لري.

د دغې شبکې په راپور کې ویل شوي، چې په دغه هېواد کې له مرکه شویو مېرمنو څخه ۷۷ سلنه یې د کورني تاوتریخوالي، د ټولنې او د طالبانو له واکمنۍ له امله ۹۱ سلنه ښځې له جنسي تبعیض سره مخ شوي دي.

په راپور کې راغلي، چې ۷۶ سلنه ښځې د قومي، ژبني او مذهبي عقایدو له امله له تاوتریخوالي سره مخ شوي دي.

په دې راپور کې په تېرو دوو کلونو کې د طالبانو د حکمونو یادونه شوې او له ملګرو ملتونو غوښتل شوي، چې طالبان په رسمیت ونه پېژني.

دویم راپور چې له ښځو سره له ۱۶ مرکو او ۲۴۰ پوښتنلیکونو او له کارپوهانو سره له ۲۱ مرکو وروسته په پاکستان کې د افغان مېرمنو د وضعیت په اړه خپور شوی دی.

د دې څېړنې پر بنسټ؛ د ۲۰۲۳ کال له جنورۍ څخه تر سپټمبر پورې د ښځو د بیا مېشتېدو ۵۳ سلنه غوښتنې څېړل کېږي او ۳۲ سلنه یې رد شوې دي.

د ښځو د حقونو د شبکې (WRN) درېیم راپور د ۲۵ او ۳۴ کلونو ترمنځ د افغان کډوالو د تجربو پر بنسټ لیکل شوی.

په راپور کې راغلي، چې په هند کې د کډوالو له څلورمې برخې څخه زیاتې ځوانې او یوازینۍ افغانې میرمنې دي او ډېری یې د فني زده کړو سندونه هم لري.

مرکه کوونکو په افغانستان کې د ښځو د وضعیت او عدالت ته د هغوی د نه لاسرسي په اړه اندېښمنې وې.

راپور ټینګار کړی، چې هند د کډوالو د ساتنې ملي قانون نه لري او دا چې بهرني اتباع د کورني او بهرني سیاست د بدلون لپاره تر فشار لاندې دي.

د طالبانو د رییس الوزرا سیاسي مرستیال مولوي عبدالکبير نن سې شنبه لغمان ته تللی او هلته يې په يوې لویه ولسي او نظامي غونډه کې ويلي، چې د نړۍ سره تعامل او د خپل هېواد په څېر نورو هېوادونو ته امن غواړي.

هغه ويلي: « د نړۍ په ۳۸ ملکونو کې سياسي نمایندګۍ لرو، سیاسي اړيکي ورسره لرو، که په رسمیت مو څوک نه پېژنې؛ خو د سیاسي نماینده ګيو ترڅنګ مو تجارت هم روان دی.»

د طالبانو د دغه چارواکي په خبره، چې تېره شل کلنه مبارزه یې په هېواد کې د "اشغال" پر وړاندې وه او جمهوري نظام افغانانو ته د منلو نه وړ و.

هغه وویل: « ز موږ شل کلنه مبارزه د نظام د اشغال پر وړاندې وه، هغه نظام افغانانو ته د منلو نه و، زموږ د قربانیانو او شهیدانو ارمان پوره شوی دی، د تېر نظام مسوولینو او خلکو ته مو بخښنه کړې ده، اوس یو ارام او هوسا افغانستان غواړو.»

د هغه په ټکو چې سياست يې متوازن دی او د سالمي پاليسۍ له مخې ټول بندرونه د سوداګري پر مخ خلاص دي.

مولوي عبدالکبير د خپلو خبرو په يوه برخه کې وويل چاته اجازه نه ورکوي، چې د پرديو په مرسته په وطن کې ناامني جوړه کړي.

نوموړی وايي، چې د اړیکو د کمېسیون له لارې تر ۷۰۰ زيات افغانان، چې د منفي تبلغاتو له مخې له وطنه تللي بېرته راغلي دي.

بل لوري بیا نن د سپنې ماڼۍ د ملي امنيت شورا ویاند جان کربي په يوې خبري غونډه کې ويلي، چې د طالبانو حکومت خپل مسوولیت نه دی ادا کړی او تر هغه به په رسمیت ونه پېژندل شي، چې دا کار یې نه وي کړی.

دهغه په خبره، چې واشنګټن د طالبانو د "عادي کولو" لپاره هېڅ کومه هڅه نه ده کړې او د طالبانو په اړه د امریکا په تګلاره کې کوم بدلون نه دی راغلی.

د عبدالرحمان زرمتي زوی نور الرحمان نن د سې شنبې په ورځ افغانستان انټرنشنل ـ پښتو ته وویل چې پلار یې د قومي مشرانو په منځګړیتوب راخوشې شوی دی.

عبدالرحمان زرمتی په تېر حکومت کې د پکتیا د څو ولسوالیو ولسوال پاتې شوی دی او د جمهوریت تر پرځېدو د پکتیا د زرمت ولسوال وو.

زرمتی د هغو ولسوالانو له ډلې وو، چې د طالبانو پر ضد یې سخت دریځ درلود او د جګړو پرمهال به یې خپله ټوپک اخیسته او د طالبانو پرضد به یې جګړه کوله.

زرمت د افغانستان یوه له ناامنه ولسوالیو وه؛ خو د جمهوریت تر پرځېدو پورې دا ولسوالي د حکومت په لاس کې وه.

د جمهوریت وروستیو ورځو کې عبدالرحمان رزمتي له طالبانو سره سختې جکړې وکړې؛ خو د ولسوالۍ له کلابندۍ وروسته یې له خپلو څو تنو ساتونکو سره ولسوالي پرېښوده.

په وروستیو کې اندېښنې دا دي، چې طالب وسلوال د پخواني حکومت مامورین او د امنیتي ځواکونو غړي زنداني کوي او بیا یې له سختو شکنجو وروسته په زندانونو کې وژني.

د بشري حقونو بنسټونو د راپورونو له مخې؛ طالبانو عمومي بخښنې باندې عمل نه دی کړی.

په افغانستان کې د ملګرو ملتونو د بشري چارو د همغږۍ دفتر وړاندوینه کړې چې سږ کال به یو میلیون او څلور لکه او ۶۰ زره کډوال افغانستان ته ستانه شي.

د اوچا د راپور له مخې، تمه ده چې له پاکستانه ۴۸۳ زره او له ایرانه ۹۷۸ زره کډوال هېواد ته راستانه شي.

اوچا د دوشنبې په ورځ (د سلواغې ۲۳مه) په افغانستان کې د بشري فعالیتونو او د راستنېدونکو کډوالو د بشري اړتیاوو په اړه په خپل راپور کې لیکلي، چې ښايي دا شمېره نوره هم زیاته شي.

په دغه راپور کې ټینګار شوی، چې د بیړنیو اړتیاوو د پوره کولو او پر کوربه هېوادونو د فشارونو د کمولو لپاره د بشری مرستو زیاتوالي ته اړتیا ده.

د دغه راپور له مخې، په تېر نومبر میاشت کې له پاکستانه د افغان کډوالو د اېستلو د حکم له صادرېدو وروسته له ۴۸۳ زره زیات افغان کډوال له پاکستانه اېستل شوي.

اوچا او د دوی بشردوستانه همکاران د ډیورنډ کرښې ته څېرمه په تورخم او سپین بولدک ښارګوټو کې سرپناه، خواړه او اوبه، مالي مرستې، روغتیایی خدمتونه، ښوونه او روزنه او رواني او ټولنیزې مرستې د کډوالو له لومړنیو اړتیاوو څخه ګڼي.

د یادولو ده، چې د اوچا د راپور له مخې د افغانستان له نیمایي څخه زیات نفوس شاوخوا ۲۳،۷ میلیونه کسان به په ۲۰۲۴ کال کې بشري مرستو ته اړتیا ولري.