ایراني رسنۍ: د ایران ځوانوکو د جیش العدل ډلې یو مشر په پاکستان کې وژلی

دغه نوی قانون له کوره باندې د ۲۵ ګرامو چرسو انتقال او دننه په کور کې د ۵۰ ګرامو چرسو ساتلو ته اجازه ورکوي، خو د چرس په پیرلو یې سخت محدودیتونه لګولي دي.

یاد قانون چې د جمعې په ورځ له غرمې وروسته د پارلمان له خوا تصویب شوی، ښوونځیو او ورزشي مرکزونو ته نږدې د چرسو د کارولو اجازه نه ورکوي.

په همدې حال کې، د چرسو پیر او پلور په اسانه توګه نشي ترسره کیدای.

د چرسو پلورنځیو ته د جوازونو ورکول د چرسو د صادراتو د ډیریدو په اړه د اروپايي ټولنې د اندیښنې له امله لغوه شوي دي. خو ټولنیز بنسټونه کولای شي په محدوده کچه چرس وپلوري. دغه بنسټونه کولای شي چې په جرمني کې یوازې ۵۰۰ غړي‌ ولري او هر غړۍ یې باید په دغه هیواد کې ژوند وکړي.

په تیرو لسو کلونو کې په جرمني کې د چرسو کارول د هغو کسانو ترمنځ دوه چنده شوي دي چې د ۱۸ نه تر ۲۵ کلونو پورې عمر لري.

عمران خان، په یوه لیک کې له دغه صندوغه غوښتي چې د ټاکنو د پایلو له ارزولو پرته دې پاکستان ته نوي پورونه نه ورکوي.

ښاغلي خان د جمعې په ورځ – د کب میاشتې څلورمه - تایید کړه چې په یو لیک کې یې د پیسو له نړیوال صندوق څخه غوښتني چې پاکستان ته د نوي پور ورکولو دمخه دې د فبرورۍ د اتمې نیټې د ټاکنو پایلې وڅیړي.

د جمعې په ورځ د راولپنډۍ په اډیاله زندان کې د خپلې محکمې په غونډه کې عمران خان خبرداری ورکړ چې که په اوسنیو حالاتو کې د پیسو نړیوال صندوق پاکستان ته پور ورکړي، نو دا پور به بیرته څوک پرې کړي. هغه په ​​دې باور دی چې دغه پور به پاکستان لا نوره د بېوزلۍ په لور یوسي.

د پیسو نړیوال صندوق د ارتباطاتو د څانګې مشرې، جولي کوزاک، په یوه خبري غونډه کې ویلی، چې د تېرې جنورۍ په ۱۱ مه پور ورکوونکو پاکستان ته د پور اندازه ۱.۹ میلیارده ډالرو ته لوړه کړه او دغه پیسې به د پاکستان له چارواکو سره د اقتصادي ثبات د رامنځ ته کولو په برخه کې مرسته وکړي.

د پیسو نړیوال صندوق د عمران خان د غوښتنې په ردولو سره ویلي، چې له نوي حکومت سره به کار کوي.

په همدې حال کې عمران خان هڅه کوي چې د ټاکنو د پایلو له څرګندېدو مخکې پاکستان ته د هر ډول نوي پورونو د ورکړې مخه ونیسي.

عمران خان ادعا کوي چې د پاکستان په وروستیو پارلماني ټاکنو کې پراخې درغلۍ شوې دي.

بلومبرګ امریکايي ورځپاڼې د سې شنبې په ورځ راپور ورکړی، چې د پاکستان حکومت غواړي د دغه هېواد د اقتصادي ثبات لپاره د پیسو له نړیوال صندوق څخه د شپږ میلیارده ډالرو پور غوښتنه وکړي.

مېرمن بیګم په ​​۲۰۱۵ کال کې سوریې ته ولاړه او هلته یې د داعش له یوه غړي سره واده وکړ. په ۲۰۱۹ کال کې، بریتانیا د مېرمن بیګم تابعیت لغوه کړ، مګر هغې د بیاکتنې غوښتنه وکړ.
مېرمن بېګم چې کله سوریې ته لاړه، ۱۵ کاله عمر یې درلوده او د ختیځ لندن په یوه ښوونځي کې زده کوونکې وه.

تېر کال د "کډوالۍ د استیناف ځانګړي کمېسیون" د شمیمې بیګم د تابعیت د لغوه کولو پرېکړه قانوني اعلان کړه، خو مېرمن بیګم دغه پرېکړه محکمې ته وړاندې کړه.

اوس د استيناف محکمې هم د شمیمه بيګم د بریتانوي تابعيت د لغوه کولو په اړه له پخوانۍ پرېکړې سره موافقه کړې دی.
داسې ښکاري چې د مېرمن بېګم حقوقي ډله به د نوې پریکړې په اړه یو ځل بیا د استیناف غوښتنه وکړي.

سکای نیوز د شمیمې د وکیل دانیل فورنر له قوله ویلي، "موږ به تر هغې له مبارزې لاس وانخلو تر څو چې هغه [شمیمه بیګم] عادلانه پریکړه ترلاسه کړي او په خوندي توګه کورته راستنه شي.»

شمیمه بیګم دا مهال د سوریې په شمال کې د کډوالو په یوه کمپ کې ژوند کوي. هغه په ​​بریتانیا کې زیږیدلې وه.

د امریکا ولسمشر جو بایډن ویلي، چې د دغه اقداماتو موخه دا ده چې د روسیې ولسمشر ولادیمیر پوتین "په بهر کې د تیري او په کور دننه د جبر له امه خورا سخته بیه پرې کړي."
بندیزونو د روسیې د میر په نوم د پیسو د ورکړې سیسټم، مالي موسسې، پوځي صنعت، د بندیزونو څخه سرغړونې، د انرژۍ راتلونکي تولیدات او ځینې نورې ساحې په نښه کړي دي. په دغه بندیزونو کې د زندان چارواکي هم په نښه شوي چې د متحده ایالاتو په وینا د ناوالني له مړینې سره تړاو لري.

په واشنګټن کې د روسیې سفارت سمدستي د بندیزونو په اړه له تبصرې ډډه کړې ده.

د بایډن اداره هڅه کوي چې د اوکراین ملاتړ ته دوام ورکړي ځکه چې دا هیواد د مهماتو له شدید کمښت سره مخامخ دی او د امریکا مرستې د کانګرس سره د لانجې له امله د میاشتو لپاره ځنډول شوی دي.

اروپايي ټولنې او بریټانیا هم د جمعې په ورځ د روسیې پر ضد ځینې بندیزونه لګولي دي.

سره له دې هم، پر صادراتو د روسیې متکي ۲.۲ ترلیون ډالري اقتصاد د دوو کلونو د بې ساري بندیزونو په وړاندې د مسکو او لویدیځ د اټکل خلاف، خورا ځواکمن څرګند شوی دی.

روسیې د ۲۰۲۲ کال د فبرورۍ پر ۲۴مه پر خپل ګاونډي هیواد اوکراین برید وکړ او په دغه دوه کلنه جګړه یې تر اوسه لسګونه زره کسان وژلي او ډیر شمیر ښارونه یې ویجاړ کړي دي.

د هغه سند له مخې چې د پنجشنبې په ورځ د اسراییل کابینې غړو ته وړاندې شوی او د جمعې په ورځ د رویټرز خبري اژانس له خوا لیدل شوی، اسراییل به د اشغال شوې لویدیځې غاړې او غزې په ګډون د اردن په لویدیځ کې پر ټولو سیمو امنیتي کنټرول ولري، خو دا هغه سیمې دي چې فلسطینیان غواړي پکې یو خپلواک دولت رامنځ ته کړي.‌

نتنیاهو د فلسطین دولت "یو اړخیزه په رسمیت پیژندل" رد کړي‌ دي. هغه وايي، چې د فلسطینیانو سره یو جوړجاړی به یوازې د دواړو خواوو ترمنځ د مستقیمو خبرو اترو له لارې ترلاسه شي - خو دا یې نه دي ویلي، چې د فلسطین اړخ به څوک وي.

نتنیاهو وايي، چې په منځنۍ موده کې یې موخه په غزه کې د اورپکو بې وسلې کول او د افراطیت له منځه وړل دي.

هغه دا روښانه کړې نه ده چې دا پلان به کله پلي شي او د څومره مودې لپاره به دوام وکړي.

خو هغه د غزې تړانګې د بیا رغولو شرط، د دغې سیمې په بشپړه توګه بې وسلې کول ټاکلي.‌ د غزې نږدې ټولې برخې د اسراییل په بریدونو کې ویجاړې شوې دي.‌

نتنیاهو وړاندیز کړی چې اسراییلي ځواکونه باید د غزې په سویل کې د مصر او غزې په پوله کې شتون ولري او په دې سیمه کې د مصر او متحده ایالاتو سره همکاري وکړي ترڅو غزې ته د وسلو او مهماتو د قاچاق د هڅو مخه ونیسي.

په غزه کې د حماس د واکمنۍ د بدلولو لپاره، نتنیاهو وړاندیز کړی چې د غزې د سیمه ییزو استازو سره کار وکړي " چې د ترهګرو هیوادونو یا ډلو سره تړاو نلري او د دوی لخوا یې مالي ملاتړ نه کیږي".

هغه د فلسطیني کډوالو لپاره د ملګرو ملتونو ادارې د بندولو او د هغې پر ځای د نورو نړیوالو مرستندویه ادارو د ګومارلو غوښتنه هم کړې ده.