یو روغتیايي بنسټ له پاکستانه د راستنېدونکو کډوالو سره ۴.۷ مېلیونه ډالر مرسته وکړه

AP ۱۴۰۲ کب ۴

د اېډز، نري رنځ او ملاریا پر وړاندې د مبارزې نړۍوال صندوق (ګلوبل فنډ) ویلي، چې له پاکستانه د راستنو شویو کډوالو سره د روغتیایي اسانتیاوو په برخه کې د بېړنیو مرستو په پار ۴.۷ مېلیونه ډالر مرسته کوي.

د دغه بنسټ څخه په خپره شوې خبرپاڼه کې چې پرون د (کب په درېیمه) خپره شوې راغلي، چې دغه مرسته د هغو ۶۶ مېلیونو څخه بېله ده چې له افغانستان سره په راتلونکو درېیو کالو کې اعلان شوې وه.
د اېډز، نري رنځ او ملاریا ناروغیو پر ضد نړۍوال صندوق ویلي، چې د دوی ۴.۷ مېلیون ډالري اوسنۍ مرسته د ملګرو ملتونو د پرمختیایي سازمان په واک کې ورکول کېږي چې له امله به یې د اېډز، نري رنځ او ملاریا په ناروغیو د هغو ۱.۳ مېلیونه اخته افغانانو د درملنې په برخه کې ولګول شي، چې نوي له پاکستانه خپل هېواد ته ستنول کېږي.
د «ګلوبل فنډ» په خبرپاڼه کې راغلي، چې د دغه بنسټ مرستې به په هغو سیمو کې چې د ملاریا ناروغۍ پېښې زېاتې دي، د دغې ناروغۍ د تشخیص او د ماشو د مخنیوي لپاره پشه خانې یا جالۍ ووېشل شي.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ