پاکستان د سوداګریزو توکو د تګ راتګ لپاره د چمن پولې د پرانیستلو اعلان وکړ

پاکستاني رسنیو راپور ورکړی، چې د چهارشنبې په ورځ له دې لارې ۲۰د سوداګریزو توکو لارۍ تېرې شوي دي.

د بلوچستان د اطلاعاتو وزیر په خپل اېکس پاڼه لیکلي، ټولې هغه ستونزې چې د افغانستان او پاکستان ترمنځ د چمن پوله کې د سوداګرۍ خنډ و، حل شوې دي.

د لاریو چلوونکو لپاره د ویزې شرط د فدرالي حکومت پریکړه ده، خو ښاغلي اڅکزي څرګنده نه کړه چې دا ستونزه څنګه حل شوې ده.

د پاکستان او افغانستان پر پوله له دوو میاشتو راهیسې سوداګریزې چارې درول شوې وې.

د طالبانو یوه چارواکي په تورخم کې ویلي و، چې پاکستان هغو بار وړونکو موټرو ته چې چلوونکي یې ویزې او پاسپورتونه نه لري د تېریدو اجازه نه ورکوي.

تر اوسه طالبانو د دې پولې د پرانیستلو په اړه څه نه دي ویلي.

تر دې مخکې پاکستانۍ ورځپاڼې اکسپریس ټریبیون راپور ورکړی و چې د افغانستان پر پوله د پنځو لارو تړلو له منځنۍ اسیا سره د پاکستان سوداګري ټکنۍ کړې ده.