د خېبر پښتونخوا په بېلابېلو برخو کې د ورښتونو له امله د ماشومانو په ګډون ۶ کسان مړه شوي

ورته مهال په کوز دېر کې د ځمکې ښویېدو له امله ۳ کسان وژل شوي او یو ټپي دی.

له بل پلوه د باجوړ په ماموند سیمه کې هم د یوه کور چت د پرېوتو له امله ۳ ماشومان وژل شوي دي.
د هوا پوهنې ادارې د مالوماتو له مخې، د پېښور په هوایي ډګر سيمه کې ۶۸ او په ښار کې ۶۵ ملي مټره باران شوی دی.
تر ټولو زیات باران په دېر کې ۹۳ ملي مټره، مردان کې ۸۰ او په کالام کې ۵۲ ملي مټره راپور شوی دی.