د امریکا د بهرنیو چارو وزیر انتوني بلېنکن به روانه اونۍ منځني ختیځ ته سفر وکړي. د امریکا د بهرنیو چارو وزارت ویلي، ښاغلی بلېنکن به سعودي عربستان او مصر ته سفر وکړي او د دواړو هېوادونو له مشرانو سره به وګوري.
د امریکا د بهرنیو چارو وزارت د سه شنبې په ورځ ویلي، په داسې حال کې چې واشنګټن په غزه کې د اسراییل او حماس ترمنځ د اوربند لپاره فشار راوړي؛ چې د حماس ډلې لهخوا تښتول شوي او یرغمل شوي کسان خوشې کړي، د دغه هېواد د بهرنیو چارو وزیر منځني ختیځ ته سفر کوي.
غزې ته د لا زیاتو بشري مرستو برابرول او همدارنګه دغې سیمې لپاره له جګړې وروسته د پلان په اړه بحث کول به هغه موضوعات وي، چې د سعودي او مصري چارواکو سره پرې خبرې وکړي.
بلېنکن اوسمهال په اسیا کې دی، هغه په سویلي کوریا کې د ډیموکراسۍ په سرمشریزه کې ګډون کړی و او ټاکل شوې چې د سه شنبې په ورځ د فلیپین د بهرنیو چارو وزیر او ولسمشر سره وګوري.
