د پاکستان پوځ یوه ورځ وروسته د یوې خبرپاڼې په خپرولو سره ومنله، چې په ډېره اسماعیل خان کې د امنیتي ځواکونو په کاروان ځانمرګي برید کې د دوی دوه امنیتي سرتېري وژل شوي دي.
خبرپاڼه کې راغلي، چې د کوهاټ ۳۸ کلن اوسېدونکی یاسر شکیل او د کوهاټ بل ۳۴ کلن اوسېدونکی طاهر نوید دوه سرتېري دي چې په پروني برید کې وژل شوي دي.
پولیسو ویلي، چې په دې برید کې لږ تر لږه ۲۲ تنه سرتیري هم ټپیان شوي دي.
د پوليسو په وینا، دغه کاروان له ډېره اسماعيل خان څخه ټانک خوا ته روان و.
له بل پلوه د پوځ په یوه بل جلا بیان کې راغلي، چې په پنجګور کې د امنیتي ځواکونو لهخوا د استخباراتي مالوماتو پر بنسټ عملیاتو کې یو وسلهوال وژل شوی او دوه نور ټپیان شوي دي.
په دغه بیان کې راغلي، چې د عملیاتو په ترڅ کې پوځ د وسلهوالو ځای په نښه کړ چې په پایله کې یې چاکر لیاقت ووژل شو او دوه نور وسلهوال ټپیان شول.
په خبرپاڼه کې راغلي، له وژل شوي کس څخه وسلې او مهمات هم ترلاسه شوي، چې په ګڼو ترهګریزو فعالیتونو کې یې ترې کار اخیستل کېده.
