د پاکستان کرېکټ بورډ: د نیوزلېنډ کرېکټ ملي لوبډله پاکستان ته د لوبو لپاره را ورسېدله

د پاکستان دولتي رادیو د شنبې ورځې د راپور له مخې، د اسټراليا په سکواش سياليو کې پاکستاني «هلکانو او نجونو» خپلو سياليو لوبغاړو ته په لوی توپیر ماته ورکړه.

د دوی د معلوماتو له مخي، په دې سيالیو کې د پاکستان د هلکانو «۱۳، ۱۵ او ۱۷» کلنو لوبډلو له خپلو سيالو اسټرليا او نيوزيلينډ څخه درې د صفر په مقابل کې لوبې وګټلې.

د ۱۳ کلنو نجونو په لوبډله کې ماهنور خپلي ماليزيايي سيالي ايملي سينير ته درې د صفر په مقابل ماته ورکړه او د ۱۷ کلنو نجونو په لوبډله کې پاکستانۍ مهوش ۲ د ۳ په مقابل کې له ماليزيايي ايرن ويلي لوبه وګټله.

په دې برياو سره پاکستان د ځلموټو سکواش سياليو کې د سرو زرو او برونزو مډالونه وګټل.

د ۲۰۲۲ کال اګسټ مياشت کې د ځلموټو سکواش دغه سيالۍ په فرانسه کې تر سره شوې، چې پاکستان پکې د برونز مډال په ګټلو دريم ځای خپل کړی و.

د چهار شنبې په ورځ د (وري ۲۲مه) د هند په ستر سوداګریز لیګ ای‌پي‌ایل کې د ګجرات ټایټنز او راجستان رویالز لوبډلو تر منځ لوبه تر سره شوه.

په یاده لوبه کې د راشد خان لوبډله ګجرات ټایټنز د راشدخان د ښې توپ اچونې او ښې توپ وهنې په مټ وتوانېده چې د لوبې په وروستي اور کې د راجستان رویالز په وړاندې بری ترلاسه کړي.

د تېرې ورځې په لوبه کې لومړی راجستان رویالز لوبډلې توپ وهنه وکړه او خپلې مخالفې لوبډلې ګجرات ټایټنز ته یې ۱۹۹ منډو هدف ورکړ.

د راجستان رویالز د ۱۹۹ منډو هدف پوره کېدو په موخه د ګجرات ټایټنز توپ وهونکو ښه لوبه وکړه چې تر نورو لوبغاړو د دغې ډلې لوبډلمشر شبمن ګېل ۷۲ منډې جوړې کړې.

د لوبې په سختو حالاتو کې چې په ظاهره لوبه د راجستان رویالز لوبډلې په ګټه روانه وه، راشد خان د توپ وهني په موخه د لوبې ډګر ښکته شو.

راشد خان د خپلې لوبډلې لپاره په سخت حالت کې په ۱۱ توپونو ۲۴ ناسوځېدلې منډې جوړې کړې.

راشد خان په دغې لوبه کې په توپ اچونه کې هم یوه ویکېټه ترلاسه کړه او په ډګر ساتنه کې هم ښه وځلیده.

خان د تېرې شپې په لوبه کې د ښې توپ اچونې، بهترینې ډګر ساتنې او د لوبې په سختو شېبو کې د ښې توپ وهنې له امله د تېرې شپې لوبې د غوره لوبغاړي جایزه ترلاسه کړه.

د هند په سوداګریز لیګ کې راشدخان، نور احمد او عظمت الله عمرزی له ګجرات لوبډلې سره، محمد نبي له ممبۍ اینډینز، فضل الحق فاروقي له سنرایزرز حیدراباد او نوین الحق له لکناو سوپر جاینټز لوبډلو سره لوبیږي.

د افغانستان کرېکټ بورډ نن له سريلانکا سره د ۵ يورځنيو لوبو لپاره دې ۱۵ کسيزې لوبډلې ته عبدالباقي، کامل کاکړ او رحمان الله ځدران احتياطي لوبغاړي ټاکلي دي.

د افغان ابداليانو په لوبډله کې اکرام علي خيل لوبډلمشر دی او رياض حسن، عبدالمالک، زبید اکبري، شاهد کمال، بلال ترين، درويش رسولي، محمد اسحاق، ننګيال خروټی، فرمان الله ساپی، قیس احمد، ضیا الرحمان اکبر، سلیم ساپی، عبدالرحمان او بلال سميع هم ور سره لوبغاړي دی. ا

کرېکټ بورډ له سريکلانکا سره د ۴ یوه ورځينو سياليو لپاره هم ۱۶ کسيزه لوبډله غوره کړې ده.

په دې لوبغاړو کې بیا هم اکرام علي خیل لوبډلمشر دی او احسان الله جنت، عمران مير، بهير شاه محبوب، رحمان الله ځدران، اعجاز احمد مهري، عبدالهادي، محمد طاهر عادل، عبدالله تره خيل، خليل ګربز، ضيا الرحمان اکبر، ابراهيم عبدالرحمانزی، نويد ځدران، نسیم منګل، سيد احمد شېرزاد ور سره لوبغاړي دي.

د پاکستان د کرېکټ بورډ غوراوي کمېټې د دې سیالیو لپاره نن د لاهور په قذافي لوبغالي کې په يوه خبري کنفرانس کې د ۵ احتياطي لوبغاړو ترڅنګ د بابراعظم په لوبډلمشری ۱۷ کسيزه لوبډله اعلان کړه.

په دې لوبډله کې ابرار احمد، اعظم خان، فخرزمان، افتخار احمد، عماد وسيم، محمد عباس اپريدی، محمد رضوان، محمد امير، محمد عرفان خان، نسيم شاه، صایم ایوب، شاداب خان، شاهين شاه اپريدی، اسامه مير، عثمان خان او زمان خان شامل دي.

د کرېکټ بورډ غوراوي کمېټه وايي، پرعماد وسيم او محمد عامر سربېره یې په لوبډله کې دوه نوي لوبغاړي محمد عثمان او عرفان خان هم اضافه کړي دي.

بورډ په احتياطي لوبغاړو کې « حسیب الله، محمد علي، محمدوسيم جونير، صاحبزاده فرحان او سلمان علي اغا» غوره کړي دي.

د پاکستان کرېکټ لوبډلي مدير او د غوراوي کمېټې غړي وهاب رياض د کرېکټ شل اوره نړیوالو سياليو ته په اشارې سره وويل: « موږ په امريکا او ويسټ انډيز کې د ۲۰۲۴ شل اوره کرېکټ نړیوال جام لپاره تیاری نيسو، دا لړۍ د پاکستان لپاره اهميت لري. د دې پر ځای، چې د نيوزيلنډ قوي اړخ باندې تمرکز وکړو، موږ هدف لرو، چې ځان وڅېړو او د پرمختګ ساحې وپېژنو.»

د پاکستان کرېکټ بورډ پرون د ملي لوبډلې لپاره د مديريت، توپ اچوني، توپوهنې، فزيکي، امنيتي او نورو برخو کې هم روزنکي او مسولان اعلان کړه.

پاکستان کرېکټ ملي لوبډه له تېرې يوې مياشتې راهیسې د پوځ په مرکزونو کې په سختو تمریناتو او د شل اوره نړیوالو سياليو لپاره په تياريو بوخته ده.

ټاکل شوې چې دغه لوبه د روانې عیسوي میاشتې په ۳۱مه نېټه د متحده اماراتو په دوبۍ ښار کې ترسره شي.

هلمند الکوزې به له ۱۲ بریاوو سره له خپل سیال سره مبارزه وکړي. د هغه سیال د سوک وهنې په سیالیو کې ۹ بریاوې او درې ماتې تجربه کړي دي.

دغه سیالۍ به د ۶۴ کیلو ګرامه وزن او اته روندونو کې ترسره شي چې هر روند به یې درې دقیقې وي.