له یوې اونۍ څخه په کمه موده کې د افغانستان د کورني کرکټ دوو لوبغاړو هېواد پرېښود
د افغانستان د کورني کرېکټ دوو لوبغاړو شفیق الله غفاري او زهیب زمانخېل افغانستنان پرېښود او انګلستان ته ولاړل.
د افغانستان د کورني کرېکټ دوو لوبغاړو شفیق الله غفاري او زهیب زمانخېل افغانستنان پرېښود او انګلستان ته ولاړل.
د افغانستان د کورني کرېکټ لوبغاړي شفیق الله غفاري څلور ورځې وړاندې پر خپل فیسبوک پاڼې له کابل هوايي ډګر څخه د خپل سفر انځورونه شریک کړي و او لیکلي یې و:«له ځینو خلګو ځان ساتل د خپل شخصیت ساتنه ده.»
نوموړي پر خپل فیسبوک پاڼه لیکلي، چې د انګلستان د ریچمونډشیر کرېکټ کلب سره یوځای شوی دی.
شفیق الله غفاري په تیره موده د افغانستانه د ۱۹ کلنو کم عمره لوبډلې، آمو، بست ساتونکو، میس عینک، بند امیر، کابل او د انګلستان سالهیټ سټرایکرز لوبډلو لپاره لوبیدلی و.
همدارنګه تېره ورځ د افغانستان د کورني کرېکت یوه بل لوبغاړي زهیب زمانخیل هم له کابل هوايي ډګره خپل انځورونه پر فیسبوک خپاره کړي او لیکلي یې دي:«وطنه د خدای پامان»
نوموړی هم د انګلستان د مارټن کرېکټ کلب سره د یو ځای کېدو په موخه هېواد پریښی دی.
زهیب زمانخېل د فیبرورۍ په ۲۸مه نېټه پر خپل فیسبوک پانه لیکلي و، چې هر وخت مې خپله لوبډله بریا ته رسولې ده او نن مې پرېکړه وکړه چې نور د افغانستان د هر ډول کورني کرېکټ څخه استعفا کوم.
زهیب زمانخیل د ۲۵ لومړۍ درجه لوبو په ۴۵ اننګزونو کې ۱۲۶ ویکټې او ۱۸ لسټ اې لوبو کې ۱۷ ویکټې ترلاسه کړې وې.
د افغانستان کرېکټ بورډ تر اوسه د کورني کرېکت د دغه دوه لوبغاړو په اړه څه نه دي ویلي.
