د طالبانو ستره محکمه وايي، په زابل کې یې یو کس د زنا په تور ۳۹ دروې وهلی دی. دغې محکمې نن يوه خبرپاڼه کې زیاته کړېو دي چې دغه کس په شاجوى ولسوالۍ کې د دغې ډلې د سيمه ييزو مسوولينو په شتون کې په دورو ووهل شو.
پر افغانستان د طالبانو بیا ځلي واک تر لاسه کولو وروسته د مدني سزاګانو لکه پر دورو وهلو، بدن غړو غوڅولو او اعدامولو لړۍ بیا پیل کړه او تر اوسه یې په بېلابېلو ولایتونو کې ګڼ شمېر افغانان په عام محضر کې په سزا رسولي دي.
د بشري حقونو مدافعینو او نړیوالې ټولنې په وار وار د طالبانو له مشرانو غوښتي، چې د تورنو کسانو د بدني سزاګانو مخه ونیسي
خو طالب چارواکو ویلي دي، چې دوی به د «اسلامي شریعت» له مخې سزا ورکولو ته دوام ورکړي.
