د طالبانو کابل امنیه قوماندانۍ: الله ګل مجاهد د قتل په یوه قضیه کې تورن او نیول شوی

د طالبانو د اوبو او انرژۍ وزارت د یک شنبې په ورځ د (غوايي ۲۳مه) په خپله اېکس پاڼه لیکلي؛ چې د غوايي له ۲۳مې نېټې څخه تر ۲۴مې نېټې د هېواد د سیندیزو حوزو په یو شمېر ځایونو کې د اوبو کچې د لوړوالي او د سېلابونو راوتلو اټکل شوی.

دغه وزارت د بارانونو د تجزیې، د اقلیمي بدلون منفي اغېزو، د هوا پيژندنې ادارې او د نړېوالې هوا پېژندنې ادارو د وړاندوینو په حواله په (پنج امو او کابل) سیندیزو حوزو کې د سېلابونو راوتلو اټکل کړی.

د طالبانو د اوبو او انرژۍ وزارت وايي، په راتلونکو دوو ورځو کې به د واورو ویلې کېدو او بارانونو ورېدو له امله د (بدخشان، تالقان، بغلان، پنجشیر، غوربند، کابل، لوګر، میدان وردګ، کنړ او لغمان سیندونو) کې د اوبو د کچې د لوړېدو ډېر اټکل شوی دی.

د طالبانو دغه وزارت په یادو سیمو کې د سیندونو په څندو کې له مېشتو اوسېدونکو غوښتني چې د سیندونو له څنډو څخه د ځاني او مالي زیانونو د مخنیوي په موخه بېځایه شي.

طالبانو د هېواد په دوو سیندیزو حوزو کې داسې مهال د اوبو د کچې د لوړېدو او سېلابونو د راوتلو اټکل کړی چې دوه ورځې وړاندې په بغلان کې د سېلابونو راوتلو له امله له ۳۰۰ څخه ډیر کسان مړه شول.

له اروزګان څخه سرچینو افغانستان انټرنشنل ـ پښتو ته ويلي، چې تېره اونۍ د دغه ولایت د امربالمعروف ریاست محتسبانو د سیمه ییزو راډیوګانو او ټلویزیونونو دفترونو ته ورغلي او د هغوی له خپرونو څخه د څارنې پر مهال یې خبریالانو او د رسنیو کارکونکو ته ویلي؛ چې «یابه ږیرې پریږدئ او ځان به په اسلامي شریعت برابر جوړوئ او یا به له هېواده وځئ.»

د امربالمعروف ریاست محتسبانو د اروزګان خبریالانو ته ویلي که «چېرې د یاد ریاست سپارښتنې په جدي توګه و نه منئ سخته سزا به ووینئ.»

د اروزګان د امربالمعروف محتسبانو د دغه ولایت د سیمه ییزو رسنیو مسوولانو ته ګواښ کړی او ویلي یې دي، «که د خپلو کارکونکو په بڼه کې بدلون رانه ولي رسنۍ به یې ور وتړي.»

بل خوا په افغانستان کې د رسنیو د ملاتړ ادارې په اروزګان کې خبریالانو ته د امربالمعروف ریاست له لوري د شويو نویو سپارښتونو په اړه ناخبري ښودلې.

د اروزګان یو شمېر سیمه ییز خبریالان د نوم نه ښودلو په شرط وايي، د طالبانو د امربالمعروف ریاست تر څنګ د یاد ولایت د استخباراتو له لوري هم ورته په بېلابېلو برخو کې ګواښونه کیږي.

د طالبانو کډوالو او راستنېدونکو چاور وزارت وايي، تېره ورځ شنبه د (غوايي ۲۲مه) له ایرانه ۱۷۵۹ تنه افغان کډوال په جبري توګه او خپله خوښه راستانه کړل شول.

د طالبانو د کډوالو وزارت نن یک شنبه د غوايي ۲۳مه په اېکس پاڼه لیکلي چې، دغه کډوال د هرات د اسلام کلا له لارې هېواد ته راستانه کړل شوي.

د کډوالو وزارت وايي، په راستانه کړل شویو کډوالو کې ۱۸ تنه بې سرپرسته ماشومان دي، چې د کورنیو موندلو په موخه هرات کې د وارچایلډ موسسې ته سپارل شوي دي.

همدارنګه کډوالو وزارت وايي، چې تېره ورځ ۳۴۹ تنه افغان کډوال د ننګرهار تورخم له لارې په جبرې توګه له پاکستانه راستانه کړل شول.

د کډوالو وزارت وايي، له پاکستان او ایرانه راستانه کړل شوي اړمن کډوال یې د مرستو ترلاسه کولو په موخه د ملګرو ملتونو د کډوالۍ سازمان دفتر، د خوړو نړېوال سازمان او د کډوالۍ په برخه کې د ملکرو ملتونو عالي کمیشنرۍ ته ورپېژندلي دي.

دا په داسې حال کې ده چې ایراني چارواکو ویلي، ناقانونه کډوال دې نور له دې هېواده ووځي او د پاکستان حکومت بیا د جون تر ۳۰مې نېټې د راجسټر شویو افغان کډوالو د اوسېدو موده غځولې ده.

دغه کډوال داسې مهال افغانستان ته ستانه کړل شوي چې د دغه هیواد په شمالي ولایتونو کې سېلابونو ولسي خلکو ته د سر او مال درانه زیانونه اړولي او لاهم د چټکو بارانونو او سیلابونو راوتلو خبرداري ورکړل شوي.

يوې سرچينې چې نه يې غوښتل نوم يې واخيستل شي (د غويي ٢٢مه) افغانستان انټرنشنل ته وويل، چې دغه مېندواره مېرمن شاوخوا يوه اونۍ وړاندې د معايناتو لپاره له خپلې خواښې سره روغتون ته تللې وه، چې د طالبانو له لوري له تاوتریخوالي سره مخامخ شول.

سرچينه وايي؛ طالبان ناروغې ښځې د محرم نه لرلو له امله سپکوي او بېرته یې خپلو کورونو ته استوي.

هغه وويل: «دلته زموږ غږ څوک نه اوري، موږ دلته هیڅوک نه لرو.»

د ۱۴۰۰ کال په اوړي کې واک ته د طالبانو له بېرته رسېدو وورسته، ښځې له خپلو بنسټیزو حقونو په ځانګړې توګه له زده کړو، کار کولو او له ټولنیزو او سیاسي فعالیتونو بې برخې شوې.

د ویلو ده، چې طالبانو له محرم پرته د ښځو پر سفر هم بندیز لګولی دی.

په اعلامیه کې راغلي، چې باید پر افغانستان واکمنې ډلې سیلابونو ته لازم چمتووالی لرلای.
اعلامیه کاږي: “که واکمنو د مسئولیت احساس لرلای او د استبداد، انحصار او نفی د سیاست پر ځای یې پېښو ته د رسیدګۍ او نورو برخو کې وړ او مسلکي افغانان کار ته پریښي وای، نه یوازې چې تلفات به دومره زیات نه وو، بلکې د ډېرو اقتصادي زیانونو مخه هم نیول کېدلای شوه.”

د طالبانو کورنيو چارو وزارت وايي، د وروستيو سېلابونو له امله په دریو شمالي ولايتونو کې ۱۵۳ کسان مړه شوي دي.

خو د خوړو نړیوال پروګرام وايي، یوازې بغلان کې تر ۳۰۰ ډېر کسان مړه شوي دي.