د افغانستان د کرېکټ الف او سریلانکا کرېکټ الف لوبډلو تر منځ دا تمریناتي لوبه نا رسمي لوبه یاده شوې ده. تر دې وړاندې د سریلانکا الف لوبډلې د افغانستان الف لوبډلې څخه د یو ورځنیو سیالیو لوبلړۍ هم ګټلې وه.
د افغانستان او سرېلانکا الف لوبډلو تر منځ دغه تمریناتي لوبه د شنبې په ورځ د سریلانکا په کولمبو کې پیل شوه.
د لوبې د لومړۍ پاڼۍ تر سره کېدو پچه سریلانکا لوبډلې وګټله او د توپوهنې پرېکړه یې وکړه.
د سریلانکا الف لوبډلې د خپلو لسو لوبغاړو په سوځېدو سره ۴۳۵ منډې جوړې کړې.
د افغانستان کرېکټ الف لوبډله په دوه ورځو کې ونه توانېده، چې د سریلانکا له لوري ورکړل شوی هدف پوره کړي.
افغانستان د توپوهنې پر مهال په خپلې لومړۍ پاڼۍ کې د لس لوبغاړو په سوځېدو سره ۱۹۸ منډې او په دویمه پاڼۍ کې یې د لسو لوبغاړو په سوځېدو سره ۲۱۱ منډې جوړې کړې.
د سرېلانکا دالف لوبډلې سره د افغانستان د الف لوبډلې دغه سیالي رسمي نه وه، د یادې لوبې بایلل د افغانستان د لوبډلې پر نمرو هیڅ اغېز نه کوي.
تر دې وړاندې هم د افغانستان او سریلانکا الف لوبډلو تر منځ د یو ورځنیو سیالیو لوبلړۍ ترسره شوې وه او هغه لوبلړۍ هم سریلانکا له افغان لوبډلې څخه درې پر دوه ګتلې وه.
