د ولایتي شوراګانو انسجام شورا: افغانستان د مېرمنو او ماشومانو د مړینې له پلوه بد وضعیت لري
د افغانستان ولایتي شوراګانو د انسجام شورا وایي، د مېرمنو او ماشومانو مړینې له پلوه افغانستان د فلسطين له غزې هم په بد وضعیت کې دی.
د افغانستان ولایتي شوراګانو د انسجام شورا وایي، د مېرمنو او ماشومانو مړینې له پلوه افغانستان د فلسطين له غزې هم په بد وضعیت کې دی.
دغې شورا دغه څرګندونې د روغتیا نړۍوال سازمان د هغې راپور په غبرون کړې دي، چې په کې ویل شوي په ۲۴ ساعتونو کې په افغانستان کې ۲۴ میندې او ۱۶۷ ماشومان د میېدوارۍ او زېږون پرمهال مري.دغې شورا د یوې خبرپاڼې په خپرولو سره ویلي، دغه شمېرې په میاشتني ډول ۵۷۳۰ او په کال کې شاوخوا ۶۸۷۶۰ زره مېرمنې او ماشومان کېږي چې په نړۍواله کچه یو ستر انساني ناورین دی.د خبرپاڼې له مخې، د افغانستان او ان د کابل په دولتي روغتونونو کې هم دارو درمل نه شته.
د دوی په وینا، اوسمهال ګڼ دولتي روغتونونه له مالي او مدیریتي کړکېچ سره مخ شوي دي.
خبرپاڼې کاږلي، په انزوا کې د افغانستان ساتل، د نړۍوالو له خوا په رسميت نه پېژندنه، روغتیايي نه خوندیتوب، تخصصي او مسلکي ادارې د نا مسلکي کسانو لهخوا اداره کېدل، پر مېرمنو د سختو بندیزونو لګول او هغوی له زدهکړو او کاره راګرځول ټول هغه څه دي، چې افغانستان یې د اوسني روغتیایي سیسټم له جوګه کولو اېستی دی.
دوی پر طالبانو غږ کوي، په خپلو سختو پالیسیو کې چې دوی یې د کورني او نړۍوال رسمیت پر وړاندې را ګرځولي، نرمښت او له سره پرې غور وکړي او دوی له نړۍوالې ټولنې او اغېز لرونکو هېوادونو غوښتي، چې د روغتیا برخې سره پام وړ مالي مرستې وکړي، خپلې نیابتي سیالۍ یوې خوا پرېږدي او د دوحې راتلونکې غونډې فرصتونه دې له لاسه نه ورکوي او د عملي پایلې د ترلاسه کولو لپاره دې کوټلي ګامونه واخلي.
د طالبانو د لوړو زده کړو وزارت د رسنيو دفتر د سې شنبې په ورځ (د غبرګولي ۲۲مه) پر اېکس پاڼه د کازان په غونډه کې د طالب وزير ندا محمد نديم د خبرو يوه برخه نشر کړې.
دغه طالب وزير ويلي، چې دوی له نړۍ سره « د اسلام د لارښوونو سره سم مثبت تعامل ته چمتو او لېوال دي.»
نديم که څه هم د کوم هېواد نوم یاد نه کړ؛ خو زياته يې کړه، چې ځيني هېوادونه اوس هم د خپلو «شمو اهداف» څخه لاس نه دی اخیستی او د دوی په کورنيو چارو کې مداخله کوي.
په افغانستان کې واک ته د طالبانو له رسېدو وروسته ډېر وخت د دې ډلې مشران پر پاکستان نيوکې کوي، چې د دوی په کورنيو چارو کې مداخلې کوي.
د طالبانو د لوړو زده کړو وزير ندا محمد نديم د خپلو خبرو په یوې بله برخه کې ويلي، چې دوی د «داعش او نورو تخريب کوونکو کړيو» د له منځه وړلو سره هم مبارزه کړې ده.
نوموړی په دې اړه زياتوي: « موږ د خوارجو لکه داعش او ورته مخربو کړيو سره په کلک عزم مبارزه کړې او کوو يې او په ټول هېواد کې مو د دوی ځالي له منځه وړي دي.»
د طالبانو د لوړو زده کړو او پوهنې وزیرانو د عالي تحصیلاتو او پوهنې وزیرانو په نړۍواله څلور ورځنۍ ناسته کې د ګدون لپاره د روسیې کازان ښار تللي.
د طالبانو لوړو زده کړو وزارت د معلوماتو له مخې، چې د دوی دغه دوو مسوولینو په یاده غونډه کې د ګډون تر څنګ په روسيه کې له افغان محصلينو سره هم کتلي او هلته یې د عالي تحصیلاتو له مرکزونو او نندارتون څخه هم ليدنې کړي دي.
