په کوېټ کې د اور لګېدنې له امله د مړو شمېر ۴۹ تنو ته لوړ شو
د کوېټ په سوېل د منګاف ښار په یوې ودانۍ کې د اورلګېدنې له امله ۴۹ کسان مړه شوي او شپږ نور ټپیان دي. د روغتیایي چارواکو په وینا، د ټپیانو وضعیت د اندېښنې وړ دی.
د امنیتي چارواکو په وینا، په دغې ودانۍ کې بهرني کارګر مېشت وو.
که څه هم کوېټي چارواکو د مړو شویو کسانو د هویت په اړه څه نه دي ویلي؛ خو ځینو هندي بنسټونو ویلي، چې په دغې پېښه کې ۴۱ هندي کارګران مړه شوي دي.
تر دې وړاندې د کوېټ حکومت د مړو شویو کسانو شمېر ۳۵ تنه اعلان کړی و.
د کوېټي چارواکو په وینا، په دې تړاو یې څېړنې پیل کړې دي.
