د ملګرو ملتونو د کډوالو اداره وايي، په ۲۰۲۳ کال کې ۱۱۷ مېلیونه کسان بې‌ځایه شوي دي

AP ۱۴۰۳ غبرگولی ۲۴

د ملګرو ملتونو د کډوالو اداره وايي، چې په ۲۰۲۳ کال کې ۱۱۷ مېلیونه کسان په جبري توګه بې ځایه شوي دي.

رویټرز خبري اژانس راپور ورکړی، چې د ملګرو ملتونو د کډوالو ادارې ویلي د تېر کال تر پایه په جبري توګه د بې‌ځایه شویو خلکو شمېر ۱۱۷.۳ مېلیونو ته رسېدلی.

د ملګرو ملتونو د کډوالو عالي کمېشنر فیلیپو ګرانډي وویل:« دا کډوال، پناه غوښتونکي، داخلي بې‌ځایه شوي خلک دي، هغه خلک چې د جګړو، ځورونې، د تاوتریخوالي له امله اړ اېستل شوي چې خپلې مېنې پرېږدي.»
د هغه په وینا، جګړه د بې‌ځایه کېدو یو خورا ژور لامل دی.
په غزه کې، د اسراییل بمبارۍ او ځمکني عملیاتو شاوخوا ۱.۷ مېلیونه خلک چې د فلسطین شاوخوا ۸۰ سلنه نفوس جوړوي د داخلي بې‌ځایه کېدو لامل شوی.
ګراندي خبرداری ورکړ، چې د اسراییل له پوځي برید څخه د تیښتې لپاره له سوېلي سرحدي ښار رفح څخه مصر ته د غزې د خلکو احتمالي تېرېدنه به لوی ناورین وي.
ګرانډي وویل:« له غزې څخه بهر د کډوالو یو بل کړکېچ به په ټولو برخو کې ویجاړوونکی وي.»

نور خبرونه

رادیو